Balak: Nagpayong ang ulan

MELQUIADITO M. ALLEGO, JR.

Putat, Tuburan, Cebu


Sa paghapit nato sa tagbuanan sa pagkabata

sa utlanan sa kabatan-on

dili kita mahumod sa nostalhiya kay dugay

rang nangagiw nitakas

ang mga tin-edyer nga alindahaw gidagit

gitaban sa mga libud-suroy

nga alindanaw. Sayri nga dili mabasa masawod

ang atong mga lugmaw ug kagiki

tadlas sa hamtong baybayon sa tingusbawang

bangaw ning bakwitanang Shangrila.

Unya kining pikas laing kalibutan nga katapusang

kapaingnan dadangatan maoy iyang

langitnong obanong Paraiso tugob sa katahuman

kalinaw kahapsay ug lalimayan

walay ilong-tuwapos nga balanusan kaniya

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph