MANILA – Any moment ipagawas na ang kaluha nga album ni Nick Vera Perez, ang Pinoy singer nakabase sa Chicago.
Nick usa sab ka Hall of Fame Entertainer of the Year ug uban pang mga pasidungog kaniya.Nagmalampuson si Nick sa America isip mang-aawit ug Nurse by profession.
Na-manage ni Nick ang iyang oras sa duha ka kalibutan nga iyang gisudlan.
“NVP1.0: NVP 1’s More” ang titulo sa album nga adunay 12 tracks, unom niini mga Original Pinoy Music (OPM) ug unom ang mga awit in English.
Ang tanang kanta modern nga adunay sense sa all genres sa music, gikan sa pop to easy listening contemporary, ballad, rock ug jazz.
So, matawag nga versatile jud si Nick tungod kay keri niyang kantahon ang tanang genre.
Dili tanang singer may kakayahan nga kantahon ang nahisgutang matang sa kanta.
Ang nahisgutang album nag ung-ong na jud og ipagawas kini karong September sa 220 worldwide streaming services.
“Laging Ikaw” ang carrier song nga puwedeng pang-themsong sa teleserye.
Ang uban pang kanta sa album ni Nick mao ang “Send My Life with You,” “Running Into You,” “I Will Be There,” “Heaven Sent,” “Soaring High,” “Nahuhumaling,” “Laban Lang Tayo (A pandemic song hit),” “Karamay Ka,” “Napamahal Na ‘Ko og Ikaw,” “Ako Tayo.”
Pang collector’s item ang mga kanta, platinum collectible pa.
IKADUHA
Giingong kaluhang album tungod kay aduna sad siya’y usa ka album nga ipagawas sa first week of November, Christmas album kini ug pang-third album na niya kini.
Unom ka kanta original Christmas songs, upat ang revival in jazz genre.
Ang mga gi-revived niyang Christmas songs mao ang “I’ll Be Home For Christmas,” “Jingle Bell Rock,” “Oh Holy Night” og ang “The Most Wonderful Time of the Year.”
Ang unom naman ka original Christmas songs ni Nick mao ang “Regalo” nga maoy carrrier song.
“Pagsapit Ng Pasko,” “Kakaibang Pasko,” “I Got Your Love This Christmas,” “My Rason is You” ug ang “Ikaw Lang Ang Mahal.”
Suportahan sad nato si Nick Vera Perez sa iyang social media nga parehong verified accounts (blue check).
Anaa siya sa KUMU sa NVP1World page Live events.
Ma-contact sad si Nick direkta sa uban pa niyang social media accounts, appearances and guesting pinaagi sa www.nvp1worldonline.com.
Sa laing bahin, nag-celebrate si Nick sa iyang unang tuig sa KUMU app pinaagi sa iyang smashing show nga “KUMUsta Nick?” last September 4 og as expected nanglupad ang gems sa iyang live show gikan sa iyang mga fans worldwide.
Goodluck sa duha ka album nimo Nick ug sa kadaghan sa imong followers worldwide, siguradong molampos kini.