MANILA - Usa ako sa masuwerteng press/vlogger nga giimbitar sa special screening sa horror movie nga “Abandoned” starring Seth Fedelin og Beauty Gonzales nga gipahigayon sa bag-ong mall sa San Juan City, ang Santolan Town Plaza.
Streaming na karon sa I Want TV ang maong lilas pero sa nahisugtang special screening, daghang fans ni Seth ilabi na ang below 16 years old ang wala pasudla tungod kay R-16 kini pero kung lantawon ninyo kini sa I Want TV, bisan siguro 2 years old puwede rang molantaw.
Naluoy ako sa fans ni Seth ilabi na kadtong mga senior high school students from PUP tungod kay mga 15 pa lang ilang edad og wala pasudla.
Sa wa pa ang screening natanong ko kang Seth ug Beauty kung unsay ilang gipangbuhat og nganong R-16 kini, panoorin ko na lang daw.
Well, grabe ang mga kulba scenes sa Abandoned diin ang role ni Beauty, usa siya ka sekyu sa usa ka abandonadong building nga adunay nagpapakitang mga kalag ilabi na kung alas tres na sa kaadlawon.
Anak ni Beauty (Simone) si Seth (RJ) og tungod sa mga tingog og mga kababalaghan sa Abandonadong building, parang nagka-Schizophrenia si Beauty. May mga tingog nga kanunay nga maghunghong kaniya nga patyon niya ang iyang anak tungod kay wa na kini mo-eskwela.
Wa na motungha si Seth kay binu-bully siya sa school, og nag-online selling na lang siya.
Grabe ang mga horror scene og bisan ang mga lalaking tapad ko, nagsyaget sila sa tumang kahadlok.
Siguro, maong na R-16 kini sa sinehan tungod sa mga eksenang patay nga may mga dugo og ang usa ka eksena diin hubo si Nico Manalo samtang iyang gikaon ang bag-ong panganak nga bata.
Nakita ko sa nahisgutang special screening si Andrea Brillantes og nidayeg siya sa akting ni Seth. “Ang galing mo, talagang natakot ako,” ni Andrea.
“Nahihiya ako, hindi ako sanay na pinupuri,” matud pa ni Seth. Gipangutana ko si Seth kung unsa ang eksena sa Abandoned nga talagang iyang gikahadlokan.
“Yung papatayin ako ni Ate Beauty, lalo na yung sinaksak niya sa akin ang malaking gunting sa leeg ko, natakot talaga ako, paano na lang kung di sinasadyang diinan niya yun, tiyak putol ang leeg ko,” matud pa ni Seth.
Kudos sa direktor niini nga si Kip Oebanda. Fan ako ni Direk Kip tungod sa iyang indie films like Liway, Nay og Bar Boys nga critically acclaimed og award-winning. Produced ang Abandoned sa Dreamscape og Quantum Films.
Ako sad nga gi-congratulate ang magician nga si Alakim tungod kay okey ang role niya isip karelyebong guard ni Beauty sa abandoned building nga dating ospital.