Sa dihang unang giablihan ang Cebu Safari & Adventure Park niadtong 2018, nahimo gilayon kini nga inila nga destinasyon sa mga lokal ug langyaw nga turista nga moduaw sa Lalawigan sa Sugbo.
Gawas nga usa ka zoo diin makita ang nagkadaiyang mga hayop, nagtanyag sab sila og room accommodations ug mga kalingawan nga angay ninyong masuwayan.
Ang adventure park adunay gilapdon nga 170 ka ektaryang luna nga adunay kapin sa usa ka libo ka mga hayop gikan sa 120 ka nagkadaiyang species.
Nahimo sab nga breeding ground sa gatusan ka mga klase sa tanom.
UNSAY NAA?
Ang Cebu Safari naghatag og kahigayonan sa kabataan lakip na sa mga hamtong nga ‘up close and personal’ sa mga hayop nga sagad makita lang sa telebisyon o libro.
Anaa ang African Savanna, Michelle’s Garden, Gardens of the World, ug White Lion Safari.
Kon hisgutan ang mga hayop, inyong makita ang mga buaya, tigre, ostrich, giraffe ug ang makalingaw kaayo nga bird show.
Aduna say makalingaw nga adventure rides ug amenities. Nagtanyag sab og packages nga naglakip sa ‘guided rive trek’ ug ang cave exploration.
Sa mga bation og kauhaw ug kagutom, dili maguol kay adunay restaurant sa maong lugar.
ACCOMMODATION
Ang mga guest adunay access sa Safari Camp nga naglakip sa Bonfire pit, infinity pool ug outdoor Jacuzzi.
Usa ka first class accommodation ang masinate sa mga guest ngadto sa ilang cabins nga adunay libreng pamahaw sa Serengeti Bar.
Sa nagplano og daytrip, mahimong masuwayan ang Safari River Trek o ngadto sa Lapos-Lapos Cave Exploration o strolling sa hardin nga adunay man-made nga busay nga maghatag og dugang kabugnaw sa lugar.
UNSAON PAG-ADTO?
Ang Adventure Park nahimutang sa Barangay Corte, Toril, Lungsod sa Carmen, Northern Cebu ug gibana-bana nga molanat ngadto sa duha ka mga oras gikan sa Cebu City.
Gikan sa Cebu North Bus Terminal, sakay sa bisan unsang north-bound bus nga moagi sa Carmen. Manaog sa Carmen Plaza ug mangita og mga van paingon sa Safari diin ang ilang operasyon gikan sa 8AM hangtod sa 1PM nga adunay pletehan nga nagkantidad ug P100 matag pasahero, one way.
Sa kadtong adunay pribadong sakyanan gamit og navigational apps Waze o Google Maps ug ibutang ang imong destinasyon sa “Cebu Safari and Adventure Park” sa Carmen, Cebu di maguol tungod kay daghang parking space sa mga sakyanan.
OPERASYON
Mga oras sa pag-abli: Huwebes hangtod Dominggo ug mga holiday lamang: 8AM hangtod 5PM.
Mga numero sa kontak: (032) 344-1095; 0920-603-8667; 0961-298-6336.
Mahimong moduaw sa ilang official website: www.cebusafari.ph o Facebook page: www.facebook.com/cebusafari alang sa dugang kasayuran ug inpormasyon