Chinese Sausage and Vegetable Fried Rice Ala Ate Tonette

Mga Sagol:

Set A:

mantika

1/4 nga tasa sa sibuyas bombay, gihiwag gagmay

3 ka buok Chinese pork sausage, gi-sliced

3/4 cup sa carrots, ginidnid

1 1/2 nga tasa sa green peas

2 ka bugkos sa bok choy o pak choy

6-8 ka tasa sa kan-ong humay (bahaw/

refrigerated o 1-day old nga humay okay ra)

2 ka mga itlog

Asin ug pepper scallions

Set B:

1/2 ka kutsarita sa sesame oil

2 ka kutsarita sa soy sauce

1 ka kutsariya sa oyster sauce

1/2 nga kutsarita sa luy-a, ginidnid

Unsay Buhaton:

A. Yab-i og gamay nga mantika ang kaha o kaldero, igo nang mogisal sa mga sagol. Gisala ang sibuyas bombay sa medium nga kainiton hangtod mag translucent. Idugang ang ahos. Isagol ang Chinese sausage. Lutoa hangtod nga manghumok. Pasagdahi nga ang liquid gikan sa sausage mogawas og pipila ka minutos.

B. Andama ang sauce alang sa kan-on (mahimo ra sab nga unahon kon dunay panahon): Sa usa ka gamay nga bowl, sagola ang sesame oil, soy sauce, oyster sauce, ug luy-a. Ipadaplin.

C. Idugang ang green peas ngadto sa sausage mixture. Ukaya og panagsa aron maluto og angay.

D. Isagol ang carrots. Ayaw palab-ani ang pagluto, ug dunay gamay nga kagumkom. Kon ang mga utanon hapit na maluto, ipadaplin sa kaha ug iyabo ang itlog . Batila og padayon ang itlog sa ubos nga kainiton, hangtod ang mga itlog maluto nag maayo.

E. Ibutang ang kan-ong humay. Stir-fry ug isagol ang ubang mga sagol hangtod nga maayo na ang pagkasagol.

F. Ibutang ang giandam nga sauce. Karon, pasigaha ang stove sa low ngadto sa high heat, padayuna ang pag-ukay sa humay aron di mopilit sa pot. Lutoa hangtod nga manghumot ug maayo na ang pagkasagol sa sauce.

G. Isagol ang bok choy. Ayaw palab-ani ang pagluto. Idugang ang asin ug pepper alang sa templa, ug kini naluto na. Hauna ang fried rice sa bowls, paibabwi og scallions isip garnish, ug enjoy.

Sunda ko sa akong social media accounts.

Facebook: facebook.com/lutongsimpol

YouTube: youtube.com/c/SimpolSimpol

Instagram: @lutongsimpol