Sila na tingali ang adunay pinakadugay ug pinakamalungtaron nga kaminyuon karon sa musika nga sukad naminyo sa ilang uyab sa high school wa na gyud magbuwag. Talagsaon tinuod sa sama nilang mga legendary singer-songwriter na sa Hollywood.
Jon Bon Jovi ug Dorothea Hurley (34 years nang kasal)
Una silang nagkahimamat sa Sayreville War Memorial High School sa New Jersey. Nagtaban ug gikasal sa kasikatan ni Jon Bon Jovi niadtong 1989. “Mutual respect,” ang tubag sa 62-anyos nga rocker sa People.com kon nganong nilungtad ang ilang kaminyuon. “It’s a partnership,” dugang usab ni Dorothea. Aduna silay upat ka mga anak nga puros na propesiyonal. / Litrato sa Instagram
Billy Ocean ug Judy Bayne (45 years)
Unang nahimamat sa “Suddenly” ug “Caribbean Queen” hitmaker ang iyang asawa sa edad nga 13 samtang si Billy, 15. Gikasal sila 1978 ug adunay tulo ka mga anak. Wala gi-deny sa 73-anyos nga RnB singer nga medyo duolunon siya og chicks apan maayo na lang masinabuton ug taas og pasensiya ang iyang misis sanglit pareho sab silang maampuon./ Litrato sa Smoothradio.com
David Gates ug Jo Rita
(64 years)
Ang legendary singer-songwriter-guitarist nakasal sa iyang high school sweetheart niadtong 1959. Ang magtiayon pareho nang retired sa Mount Vernon, Washington diin nila gisaw-an ang nahibiling mga adlaw sa ilang tim-os nga gugma. Ang 82-anyos ang bugtong surviving member sa Bread nga nagpasikat sa “Aubrey”, “Diary,” “Make It With You” ug uban pa./ Litrato sa Palmerdebra IG
Rick Springfield ug Barbara Porter (39 years)
Unang nahimamat sa American-Australian rockstar-actor si Barbara sa edad nga 15. Nagkauyab paglabay sa tulo ka tuig ug nakasal October 1984. Aduna silay duha ka mga anak. Matod sa iconic singer sa People.com nilungtad ang ilang kaminyuon kay pareho sila og mga hilig bisan niadtong panahon sa Covid. “Have kept busy during lockdown with lots of sex.” Ang “Jessie’s Girl” hitmaker 73 anyos na karon samtang si Porter, 60./ Litrato sa ImageCollect
Bono (U2) ug Ali Stewart
(41 years)
Si Bono (Paul David Hewson sa tinuod nga kinabuhi) ug Ali Stewart kanhi high school sweetheart nga nagkaila sa edad nga 12. Nakasal sila 1982 ug adunay upat ka mga anak. Sukad niadto nahimo na nilang support system ang usa’g usa labi na sa kasikatan sa bandang U2 ni Bono. Ang 63-anyos nga singer nagpasalamat sa lig-ong pundasyon nila ni Ali aron molungtad ang ilang kaminyuon. / Litrato sa Getty Images
George Benson ug Johnnie Lee (58 years)
Tinuod nga “Nothing’s Gonna Change My Love For You” kay sukad sila gikasal ni Lee niadtong 1965 wa gyuy paglubad ang ilang gugma. Kini tungod sa commitment ni George sa iyang pamilya ug religious practices isip sakop sa Jehovah’s Witnesses. Ang 80-anyos nga singer-songwriter-jazz guitarist nagbasi sa New Jersey uban sa ilang pito ka mga anak. (Litrato sa Golden Oldies FB)