Concert para kang Tatay Alex Nuñez

Alex Nuñez / tampo
Alex Nuñez / tampo

Nakahinumdom ka ba sa alegre ug beteranong bokalista sa banda nga Music Nuts nga si Alex Nuñez?

Gitawag siya nga ‘Tatay’ sa komunidad sa mga musikero sa Sugbo. Daghan siya og sumosunod sulod sa pipila na ka mga dekada sa industriya sa kalingawan.

Siya nilingaw gikan sa kanhi Cities Music Bar sa Gen. Maxilom Ave., Papa’s Grill sa dalan V. Rama, ngadto sa Slabadu sa dakbayan sa Sugbo ug uban pa, bisan sa cruise ships.

Apan karon, si Tatay Alex nag-antos sa grabeng balatian sulod sa usa ka pribadong ospital ug nanginahanglan og pinansiyal nga tabang.

Mao kini hinungdan nga dili mominos 20 ka mga solo entertainer ug banda ang naghiusa sa paghimo og concert ug ang kita niini itampo sa pagpatambal ni Tatay Alex.

Ang Concert para ni Tatay Alex ipahigayon sa Lloyd’s Coffee sa dan F. Cabahug sa Bonifacio District, Panagdait, dakbayan sa Mandaue karong Huwebes, Septiyembre 29, 2022, alas 5:00 sa hapon.

Ang minimum nga donasyon sa concert for a cause mobalor og P500.

Ang mga artist nga motampo sa ilang panahon ug talento naglakip nila ni Rommel Tuico and The Screw, Smokin Pistols, SouthVibe, Woodstuck, BTU, Adventures, Sael Cortes, Garry Loud Dante, Rithie Ukelele, Lucel, ADLIB, Aster Ryan Manit, Harmonikz, Soul 8, Jan-jan Repeso, Xiao, Earl Yap ug daghang pang ubang surprisa nga motunga sa concert.

Panahon usab nga atong suklian ang paglingaw ni Tatay Alex.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph