Christian Bables beki na usab kini sa bag-o ining pelikula nga makita nato karon Septyembre sa Vivamax.
Dili na gyud bag-o kang Christian ang maong papel bisan pa man og miingon kini nga mopahulay una sa pagdawat sa maong roles.
Apan dili sab siya lung-an sa mga proyekto nga beki o bayot ang iyang role, kay bisan kinsa ang iyang pasultion angayan man gyud siya sa maong karakter.
Pero dinhi sa pelikulang “Bekis On The Run” kinsa man kuno ang mobalibad kon personal ka nga gipili sa direktor nga si Joel Lamangan.
Mao kini ang pulong ni Christian nga maski unsa pa ang role dawaton niya ma-experience lang nga mai-direk ni Joel Lamangan.
Malipayon kaayo siya nga gipili siya sa direktor mao nga unsaon man kini niya pagbalibad.
Sa “Bekis On The Run” magsuon ang papel nilang Christian ug Diego Loyzaga.
Si Kylie Versoza ang partner dinhi ni Diego samtang si Sean de Guzman ang kapareha dinhi ni Christian.
Kini si Sean ang bida sa “Anak Ng Macho Dancer” usa ka sexy ug daring film nga gi-direk usab ni Joel Lamangan.
Si direk Lamangan ang nag-kombinsir kang Christian nga mobuhat og eksenang bed scene ug grabeng mga hinagkanay nga eksena uban kang Sean.
Motuyok ang istorya sa magsuong Christian ug Diego ug sa ilang adventure human sila nang-holdap sa construction.
Nahimong dakong isyu ang panghitabo labi na sa mga LGBT, may istorya usab mahitungod sa corruption ug sa mga gay men nga naa sa military.
Matod pang direk Lamangan nga gawas sa comedy ug drama, daghan pa ka og makita sulod sa maong pelikula “Bekis On The Run,” Ay’g Saba!
---
Init kaayo ang tubag o reaksyon ni Janus del Prado sa pagpangayo og despensa ni Gerald Anderson kang Bea Alonzo nga bestfriend ni Janus.
Sa mga post ni Janus nihatag pa kini og mga tip kon unsa ang ensaktong buhaton sa sinsero nga pagpangayo og pasaylo.
Vocal man kaayo kining bestfriend ni Bea, nga wala kini kauyon sa gibuhat sa ex niini.
Naa pay nahisgutan ang Janus mahitungod sa usa ka milagrong nahitabo sa usa ka pelikula niadto ni Gerald ug sa iyang leading lady.
Wala pa koy nadunggan nga tubag sa pikas kampo kon unsa man gani ang reaksyon niini ato lang paabuton.
Kay si Gerald naman atong gihisgutan nagpasalamat diay kini uban nilang Yam Concepcion ug JM de Guzman sa mga ni suporta sa ilang serye nga “Init Sa Magdamag” nga matapos na sunod buwan.
Ang mohulip diay niini mao ang Janine Guttierez ug Paulo Avelino serye nga “Marry me, Marry you” Ay’g Saba!