Derek Ramsay ug John Estrada dinhi na lang ba gyud kutob ang ilang unom ka tuig nga panaghigalaay?
Kon wa ko masayop si John ang usa sa mga hinungdan nganong nakaila ni Derek si Ellen Adarna.
Pero tungod lang ining mga isyu nga nasudlan ni Ellen nakahukom usab dayon ang Derek nga tapuson na ang ilang panag-amigo.
Daghan kaayong nagkagubot ug nagkaguliyang sa dihang nakita nila ug nadunggan si Derek sa vlog ni Ogie Diaz.
Daghan usab ang gianugnan sa panaghigalaay sa duha apan klaro kaayo sa mga pulong ni Derek ang iyang giingon para kang John nga dili kini niya kaaway, dili usab amigo ug dili siya gusto nga mahilambigit pa ang iyang ngalan kang John.
Daghang mga isyu sa sitcom nga “John en Ellen” nga iya na lang gitugyan kang John sa iyang pakighinabi niini niadtong una nangayo og despensa ug pasaylo kini.
Apan sa kadugayan niini may mga panghitabo nga dili na usab madawat karon ni Derek matod pa niini nga padayon mo sa inyong kinabuhi kay padayon usab siya sa ilang kinabuhi.
Pero unsa gyud kaha ang tinud-anay nga rason niining tanan. Sa akong panglantaw dili lang siguro sa mga nagsanga-sanga nga isyu sa ilang programa ang hinungdan niini.
Nasugdan kini niadtong “walk out” isyu nga gipamahayag ni Long Mejia, komedyante nga kauban nila sa maong programa.
Apan sa gibuhat nga pagpangayo og pasaylo niini natapos usab ang isyu labi na nga nabati usab nilang Derek ug Ellen nga sinsero kini.
Gisundan kini sa daghan pang isyu nga nanggawas ug kini tanan gitubag ni Derek ug gidepensaan ang minahal niyang si Ellen.
Pero usa ra gyud akong nalibgan nganong dali mang giputol ni Derek ang ilang panaghigalaay ni John. Gani suod ni silang manag-amigo nga miabot og unom ka tuig.
Aduna pa kahay mas lawom nga hinungdan kining tanang panghitabo? Motingog ba kaha si John sa maong isyu?
Kay sa pagkakaron hilom ra man kini sa iyang bersyon sa istorya.
Nakaseguro ko nga daghang mga tsika ang mogawas gumikan niini ug wa pay kahumanan ang maong isyu. Huwaton lang nato kon unsay sunod nga mga panghitabo, Ay’g Saba!
* * *
Human nilang Coco Martin ug Julia Montes, karon silang Bea Alonzo ug Dominic Roque na usab ang miangkon sa tinuod nilang relasyon.
Wa sila’y plano nga taguon kini basta kay natural lang usab kini nga ming-gawas. Ngano man sang dili nga kanunay naman kini sila nakita nato nga mag-uban pirme.
Gani sa mga post nila pwerting tam-isa sa ilang gipakitang panag-uban. Pero karon pa lang daghan na usab ang nangutana kon hangtod asa kutob ang ilang relasyon? Ay’g Saba!