Daclan: Imbitado ang tanan sa “Marry Me, Marry You” ugma, ni Janine ug Paulo
Imbitado ang tanan sa kasal ugma nilang Janine Gutierrez ug Paulo Avelino sa seryeng “Marry Me, Marry You.”
Mao kini ang trailer nga ilang gipakita. Sa titulo pa lang gani may kalabutan sa kasal, kaminyuon ug pamilya ang teleserye nga sugdan na ugma.
Kini ang mipuli sa natapos lang nga “Init Sa Magdamag” nilang Gerald Anderson ug Yam Concepcion.
Ang “Marry Me, Marry You” puno sa kilig vibes, simple, romantic, drama, nga may komedi ang dating niini, makita sab nato dinhi ang tinud-anay natong mga experience ug mga pangandoy nga gustong makab-ot sa kinabuhi.
Una kining serye sa Kapamilya network ni Janine mao nga excited kaayo siya ug ang iyang mga supporters.
Mao sab kini ang unang teleserye ni Sunshine Dizon ug Jake Ejercito sa Kapamilya network.
Kauban usab nila dinhi silang Cherry Pie Picache, Vina Morales, Joko Diaz, Lito Pimentel, Teresa Loyzaga, Edu Manzano, ug uban pa.
Dili kini tipikal nga serye, gaan lang kini sa dughan apan makatandog gihapon sa inyong balatian.
Bisag unsa pa man ang masugatang problema malipayon gihapon ang tibuok pamilya.
Ugma na kini ninyo manuntan sa Kapamilya channel, A2Z ug TV5 ubos sa direksyon ni Dwein Baltazar ug Jojo Saguin, Ay’g Saba!
—-
Pila ka semana naman nga gisumsoman sa mga tawo ang panagbuwag nilang Paolo Contis ug LJ Reyes.
May mga nanggawas pa nga ang tinud-anay sa ilang break-up kay third party kini.
Hangtod nga molutaw na lang sa social media ang misteryosong babaye nga nakit-an kauban ni Paolo.
Karon nailhan na kini nga si Yen Santos ang kuyog ni Paolo, daghang mga ngil-ad nga komento ang nadawat sa duha.
Apan hangtod karon wala pa man tay kompirmasyon gikan sa duha, kon unsa gyud kini katinuod.
Labi na gikan kang Yen Santos nga maoy gibanatan ug maayo sa social media, grabeng bashers ang nadawat sa babaye.
Hangtod kanus-a kaha niya tubagon kining tanan?
Mao kini atong paabuton kon si Yen Santos ba gyud ang hinungdan sa panagbuwag nilang Paolo Contis ug LJ Reyes?
May nadunggan ta gikan kang Paolo nga dili gyud si Yen ang hinungdan sa ilang panagbuwag, mao nay hugot niyang pamahayag...Ay’g Saba!
—-
“Di Na Muli” kinsa kaha ang makaangkon kang Julia Barretto sa ending niini si Marco Gallo o si Marco Gumabao.
Matod pa sa ilang teaser, ang oras kon gadali ka pas-pas kaayo, kon may gihuwat ka hinay kaayo, kon malipayon ka mubo ra ang oras ug kon magul-anon pod taas kaayo kini.
Sa oras nagdagan ang mahimong love story nilang Julia, Marco Gumabao ug Marco Gallo sugdan na kini karong Septyembre 18 adlawng Sabado alas 8 sa gabii sa TV5, Ay’g Saba!