ADUNAY mitumaw nga taho base sa usa ka Polish website nga giingong nagbuwag na ang Filipino–Brazilian model Daniel Matsunaga ngadto sa iyang Polish girlfriend/model nga si Karolina Pisarek.
Sigon pa sa English translation sa maong report nga single na si Karolina kinsa kanhi contestant sa ‘Top Model’ reality search human nga giputol na niini ang iyang relasyon ngadto ni Daniel gumikan sa isyu sa infidelity (nalambigit ngadto sa lain nilalang).
Atol niining pagsuwat, wa pay opisyal nga pamahayag nga giluwatan ang duruha aron sa pagkompirmar sa maong taho.
Gani, adunay mga netizen nga ni-comment nga nangutana kabahin sa maong isyu diha sa ilang Instagram account apan dedma, screenshot gikan sa Fashion Pulis.
Namatikdan sab nga wa mo-react o tubag si Karolina sa holiday greetings gikan ni Daniel. Ngano kaha? (B)