Scroll-up ug scroll down sa Tiktok, Facebook, Instagram, ug sa mga nagkadaiyang social media platform. Unsay maayong mabuhat sa mga batan-on karon?
Dako kaayo ang atong paglantaw sa ilang maayong kaugmaon. Kon atong obserbahan, makaingon gyud ta nga wa nay mapili sa mga batan-on karong panahuna.
Isip niini, gilunsad ang Young Innovators Biliran Association (YIBA) isip tabang sa kabatan-unan sa pagpalambo sa panginabuhian sa mga Biliranon.
Ang YIBA usa ka organisasyon nga gilangkuban ug gitukod sa mga inobatibong mga estudyante nga opisyal nga na-enroll sa Bachelor of Science in Business Administration (BSBA) uban ang ilang mga tsirman sa Biliran Province State University (BiPSU) niadtong Enero 15, 2023.
Ang YIBA gikan sa Biliran Province ug usa ka organisasyon nga nagtinguha sa paghatag og mga oportunidad alang sa kabatan-unan ug mga lumolupyo sa Biliran nga mapakita ang ilang mga talento, abilidad, ug kahibalo sa teknolohiya.
Ang mga batan-on sa organisasyon nagpakita og determinasyon sa pagbubo og mga proyekto nga naghatag og positibong epekto sa tibuok unibersidad ug komunidad gikan sa pagpananom hangtod sa pagtukod ug makabag-ong pamaagi sa paghimo og produkto.
Ang mga aktibidad nga gitigom sa YIBA naghatag og mga kahigayunan sa kabatan-unan sa mga lugar sa probinsya nga makakat-on ug ma-develop ang ilang mga kahibalo.
Gina-konsiderar sa maong organisasyon ang mga panginahanglan sa komunidad ug gina-solusyonan pinaagi sa ilang mga proyekto.
Sa kabag-ohan ug kahayag sa YIBA, padayon nilang ginapalawak ang mga oportunidad alang sa ilang kaugalingon ug sa pangalibutan. Ilabina nga ang tanang mga kahigayunan nga ilang gipanindot naghatag og dako nga kadayig sa katawhan sa tibuok lalawigan sa Biliran.
Sa pagdugang, pinaagi sa ilang organisasyon nga naghatag og mga ideya alang sa paggamit sa lokal nga mga sangkap ug pagpauswag sa mga traditional nga kinaunan, nagahatag ang YIBA og bag-ong mga konsepto ngadto sa mayor sa Naval nga si Gretchen Espina.
Nanghatag sila og mga produkto nga Churros nga dunay lahi-lahi nga klase inubanan sa paper soap, bag nga gikan sa laya nga patola, ug uban pang produktong giplanohan sa among organisayon. Sa YIBA, ang mga batan-on nagkahiusa ug nagtinabangay sa pagtuon ug paghibalo nga naghatag og dakong kahigayunan ngadto sa tanang mga estudyante ug katawhan sa probinsya sa Biliran.