BUWAGON una ang loveteam ni Nadine Lustre ug James Reid kay i-partner sila sa lain sa sunod nilang pelikula. Morag mao ni na-uso karon sama sa “N-Lex” ug “Elnella.”
Pero giklaro sa “Jadine” nga lig-on pa gihapon ang ilang relasyon. Si James may pelikulang “Miss Granny” kauban si Sarah Geronimo ug Xian Lim. Sa movie, si James apo ni Sarah. Kon unsang pagkahitaboa mao nay atong nuntan sa direksyon ni Bb. Joyce Bernal.
Samtang, si Xian Lim ang bag-ong leading man ni Nadine Lustre sa bag-o nilang pelikula nga “Ulan”, diin iyang makapartner usab silang Marco Gumabao ug AJ Muhlach sa direksyon ni Irene Villamor, kinsa maoy nagpaluyo sa blockbuster movie nga “Sid and Aya” nilang Dingdong Dantes ug Anne Curtis.
Apan duna say upcoming movie silang James Reid ug Nadine, ang “Pedro Penduko.” Si James Reid modala sa title role samtang si Nadine Lustre sa papel nga Maria Makiling, ay’g saba!
Sa ika-21 nga anibersaryo ni Anne Curtis sa showbiz, duna siyay himuong concert sa Araneta Coliseum. Korek, ang “AnneKulit, promise, last na to” karong Agosto, ay’g saba!
Gawas sa Banana Sundae ug Since I Found You, si JC de Vera apil usab sa teleseryeng The General’s Daughter sa ABS-CBN. Usa siya sa love interest ni Angel Locsin.
Lakip sa star studded cast mao silang Maricel Soriano, Eula Valdez, Janice de Belen ug Albert Martinez ug may purohan usab nga madugang sa cast silang Paulo Avelino ug Ryza Cenon, ay’g saba!