NIPAGAWAS og update ang PEP.ph nga usa ka certified blockbuster ang pelikulang #Jowable nga launching movie ni Kim Molina.
Samtang sa laing bahin, ang Rappler adunay movie review sa laing launching movie ni Super Tekla ang “Kiko en Lala” gihulagway nga nag-uga inay nga molingaw sa mga tumatan-aw.
Dili katuo si Kim nga mainiton siyang gidawat sa publiko ug mapasalamaton sa Diyos sa gasa nga gihatag diha kaniya.
“Kung mayayakap ko lang din ang buong JOWABLE Nation, gagawin ko. Wagas na pasasalamat mula sa kaibuturan ng aking Jowable heart,” sey ni Molina.
Nasayran nga ang Viva Films nga producer sa #Jowable nangandam sa himuong victory party.
“Embarrassingly lousy,” paghulagway sa pekilulang “Kiko En Lala” ubos sa direksiyon ni Adolfo Alix Jr. ug matod pa nga ang punchline nga pakatawa giingong way nada. (B)