TAGBILARAN, BOHOL - Ang nag-una ug homegrown retail, supermarket sa lalawigan sa Bohol ang Alturas Group of Companies mitanyag og kalingawan, paugnat sa kusog atol sa kick off sa ilang ika-50 ka tuig nga anibersaryo, niadtong Marso 25.
Gidagsa sa kapin sa 2,500 ka mga partisipante ang gipahigayon nga Golden Fun Run nianang kaadlawon sa maong adlaw.
Kita sa registration gitagana alang sa mga 25 ngadto na sa 30 ka kabataan sa Bohol nga adunay gihambin nga sakit.
Nianang pagkahapon 400 ka mga Boholano misalmot sa Zumba marathon nga gipahigayon sa Island City Mall, Carpark.
Tibuok adlaw ang mga kalihukan kay nianang pagkagabii usa ka libre nga Comedy Concert nga nag-feature sa stand-up comedian sa Manila nga si Amazing Peanut ug ang social media sensation nga si Justin Tan ninglingaw sa mga ningtan-aw.
Ang Alturas Group of Companies nagsilbing usa sa economic driver sa lalawigan sa Bohol pinaagi sa ilang nagkadaiyang mga negusyo nga ilang gitanyag.
Lakip na ang ilang dedikasyon nga moabag sa katilingban, pinaagi sa ilang Alay Marcela Foundation. (FVQ)