BISAN sa pandemya malampusong gipahigayon sa Cebu’s Original Lechon Belly (Colb) ang final round sa ilang 9th Annual Spicy Boneless Lechon Eating Contest niadtong Dec. 5, Sabado, sa Park Mall pinasikad sa estriktong quarantine protocol.
Ang nagtigi niadtong gabhiona mao ang kada-winner sa tanang Colb branches sama sa SM Seaside, SM Consolacion, Park Mall, Maxwell Hotel sa Escario, Insular Square sa Mandaue, Savemore Emall, LapuLapu city ug sa MCIA (Mactan Cebu Int’l Airport) diin ang mananaug nakadawat og cash prize ug gift certificates.
Ang Spicy Boneless Lechon Eating Contest gipasiugdahan sa innovator ug creator sa original boneless lechon nga si Sir Marlon Gochan kauban ang iyang kapikas nga si Ma’am Gladys Gochan. Walang umuwing luhaan. Congrats sa tanang winners.
PBB CONNECT
Sa kadaghang Bisaya nga nagpa-audition sa Pinoy Big Brother Connect usa ra gyud taga-Cebu ang nakasud. Nag-premiere ni niadtong Dominggo sa Kapamilya channel A2Z.
Niingon na bitaw ko ninyo nga kontra kaayo na sa ABS-CBN ang mag-sigeg bandilyo sa social media bahin sa mga behind-the-scene sa ilang mga pa-contest sama aning PBB.
Sa sunod magpa-audition gani mo ayaw mog saba ug labaw nang ayaw na i-post sa social media. Kay kapila na gyud na nahitabo nga nakasud na unta apan gitsugi at the last minute kay nag-una-una og announce.
HEALTH ISSUES
Unsa gyud kahay sakit aning Lani Misalucha nga pirme man lang ma-ospital.
Kasamtangan siyang gihulipan ni Pops Fernandez isip hurado sa singing competition nga The Clash tungod sa health issues.
Sa interbyu sa GMA niadtong 2008 si Lani niangkon nga duna siyay cyst sa matris ug gitakda siyang operahan.
Niadtong 2014 niangkon sad ni nga nipaubos siya sa cosmetic surgery diin lakip sa iyang gipaayo ang iyang ilong ug baba.
FAKE NEWS
Dunay mga nikatap sa internet nga na-predict kuno niadtong 1551 ni Nostradamus kining Covid-19 nga moigo sa “twin year” (2020). Apan gi-deny sa mga eksperto base sa Reuters nga dunay ingon aning prediksyon ang French astrologer.
Karon na sad dunay nikatap sa internet nga usa sa mga prediksyon ni Nostradamus sa 2021 mao ang zombie apocalypse. Manghinaot lang gihapon ta nga dili ni tinuod. Pastilan.