BLESSING in disguise nga wa madayon ang away ni Manny Pacquiao sa mas kuyaw og record nga si Errol Spence Jr. kay kon nahitabo pa siguradong brutal unta nga kapildihan ang iyang naangkon.
Ang hunahuna na lay nagdako ni Manny apan klarong nilabay na ang iyang panahon. Dapat na gyud siyang moretiro. Unsa pa may iyang gipangita nga legend na siya. Dili na lang unta siya maghuwat nga dunay mahitabong dautan niya ibabaw sa ring.
Kon akoy Pacquiao di na ko mag-boxing uy. Ako nang i-enjoy akong kuwarta. Si Muhammad Ali ra ba na-diagnosed og Parkinson’s sa edad nga 42 o tulo katuig gikan sa iyang pag-retiro sa boxing.
Kanang iyang minilyon nga gastuhon pagdagan sa pagka-presidente iya na lang untang itabang sa mga kabus nga na-Covid o ba kaha ipalit og daghang bakuna mas daghan pang malipay. Ganahan man kaha siyang motabang o nanubra lang gyud siya ka ambisyuso?
UNFAIR!
Karong Aug. 24 ug Aug. 25 mao na ang virtual interview challenge sa Top 50 sa Miss Universe Philippines ug ang Top 30 nga modaug sa online votes mao na ang mahimong official candidates sa maong pageant.
Apan sa tinuod lang wa ko kauyon aning ilang paagi karon nga mora ba’g nahug og popularity contest. Unfair kaayo ni sa ubang mga kandidata nga dili kusog sa online.
Nakapabor ang dunay fan base ug ang mga nakasandal sa pader. Apan unsaon man tong mga walay support system apan deserving sad unta? Nawa ang iyang essence!
WERPA FOODPARK
Congrats diay sa Werpa Foodpark nga nagselebrar sa ilang First Monthsary via virtual party niadtong Agusto 16 diin dul-an 3k ang nitan-aw sa ilang live streaming event plus daghang giveaways ang gipanghatag. Special guests nila ang Tubig Queen of Cebu Dodoy Teberio, TikTok Influencer Mark Dela Cruz ug ABS-CBN’s Singing Bebe Boy-Grand Champion Yad Robal Jayme.
Bisan sa pandemya pirmeng gilinyahan ang Werpa sa Punta Princesa. Garantisadong safety ug fully-sanitized. Ang maong al fresco dining gipanag-iya sa werpang magtiayong Miña ug Nath Bunyi. Maayong pagpanikaysikay ninyo diha labi na’s ilang marketing head, Jaro Santos.