Human ma-stranded nunot sa snowstorm, namakuna nalang ang mga health workers sa didto sa Oregon, Estados Unidos ngadto sa ubang mga drayber wa pa ma-expire ang ubang dosis sa bakuna.
Matod sa Josephine County Public Health sa ilang Facebook page nga ang “impromptu vaccine clinic” nahitabo human wa kairog ang 20 ka kawani niini sa traffic nunot sa snowstorm sa dapit human sa ilang pagpamakuna sa laing clinic.
Unom ka mga bakuna ang hapit na ma expire maong ang mga kawani nagkasabot ug nidesisyon nga itanyag nalang kini sa ubang na-stranded nga drayber aron mapahimuslan.
Ang maong mga shots alang unta sa ubang mga tawo apan ma-expire na kini kung moabot sa benepisaryo niini, dugang sa health department.
Kini maoy hinungdan nga gilakaw sa mga kawani ang matag sakyanan ug nitanyag sa ubang na stranded sa snowstorm.
Sigun sa direktor sa health center nga si Mike Weber nga ang maong hitabo usa sa “coolest operations he’d been a part of.” /AP