Ang ika-14 nga National Museum sa Pilipinas gibuksan na sa Dumaguete City sa Negros Oriental nga dugang atraksiyon sa maong dakbayan. Nagpaila nga abunda sa natad sa geology, zoology, botany, archaeology, ug marine biodiversity sa rehiyon.
Sa kadtong mosuroy sa museyo libre kini, bukas sa adlaw nga Martes hangtod sa Dominggo.
ASA DAPIT?
Ang museyo nahimutang sa Dumaguete Presidencia, kanhi municipal hall nga gitukod niadtong 1937 sa bantugang Filipino nga arkitekto nga si Juan Arellano.
Ang maong edipisyo sagol sa Spanish, American, ug Filipino nga mga istilo sa arkitektura.
Ang museyo usab adunay mga exhibit sa art, arkitektura ug gitukod nga kabilin sa Negros Oriental ug Siquijor, ug pipila ka gipahulam nga mga butang gikan sa Silliman University Museum.
Ang mga seasonal ug thematic nga mga pasundayag, ingon man mga art exhibit, giplano alang sa umaabot.
Ang Dumaguete Presidencia gideklarar nga Important Cultural Property (ICP) sa National Museum niadtong 2019.
Kini nga designasyon naghatag og katungod sa building ngadto sa pundo sa gobyerno alang sa restoration, protection, ug conservation niini.
TIPIGANAN SA BAHANDI
Gihimug-atan ni Mayor Felipe Antonio Remollo nga ang master plan sa Dumaguete naglakip sa pag-host og museyo nga mahimong tipiganan sa kasaysayan ug kabilin sa dakbayan ug probinsiya.
Giila usab niya ang mga sakop sa Sangguniang Panlungsod sa Dumaguete kinsa niadtong 2017 nagkahiusa’ng naghatag kaniya og awtoridad nga mopirma sa 50 ka tuig nga usufruct agreement uban sa National Museum.
Ang pagpasig-uli sa Presidencia ug pagkakabig ngadto sa usa ka museyo subay sa panglantaw ni Remollo sa paghimo sa Dumaguete nga hingpit nga destinasyon sa kultura, adventure, ug sports tourism.
Ang National Museum of the Philippines usa sa kinahanglan nga duawon ni bisan kinsa nga bisita sa Dumaguete City.
Pinaagi sa maong museyo mahimong makabalik tan-aw sa kasaysayan ug kultura sa rehiyon.