"GANAHAN ko makakat-on pagdugang kabahin sa pamaol kay mao man kini akong nahibaw-an ug mao kini among panginabuhian," matod ni Francisco Elardo nga nag-atiman sa ilang mga tanom nga naa lang sa luyo sa ilang balay sa Barangay Taytay, lungsod sa Badian, Sugbo.
Ang gana ni Francisco sa pagpananom nagsugod dhang nakatambong og seminar sa organic farming niadtong 2010.
"Nakat-unan nako sa seminar nga dili kinahanglan mogamit og spray nga adunay mga kemikals," dugang ni Francisco ug sakto siya sa iyan hukom sa paghimo og organic farming.
Uban sa iyang asawa nga si Marilou ug ilang duha ka mga anak nga sila si Reese ug Christian, sila nagtanom og daghang klase sa utanon sama sa alugbati, talong, camote, batong, pechay, patola ug malunggay.
Nananom usab siya og fuit bearing trees sama sa guyabano, papaya, tambis, bayabas coconut, bayabas ug avocado.
"Human sa usa ka tuig, nalipay ko nga naka-ani mi og daghang utanon ug kini nagamit sa akong pamilya ug ang among mga silingan ug uban sa laing barangay mopalit pud sa among mga ani," matod ni Francisco.
Imbes chemicals, si Francisco nihatag og organic fertilizers sa iyang liboan ka square meters sa backyard garden pinaagi sa vermiculture.
Ang vermiculture mogamit sa earthworms sa pag-break down sa organic materials ngadto sa abunda nga fertilizers alang sa paggamit sa organic gardening ug farming.
Si Francisco nigamit sa organic chemicals alang sa spray sa iyang mga tanom ug nagtanom og insect repellant plants sama sa tanglad (lemongrass) sa pag-abog sa insects, din ang mga peste sa iyang backyard garden.
Niadtong 2013, nakahukom siya sa paghmo og backyard garden isip demonstration farm tungod ang mga tawo makabenisita sa iyang farden. Gani, ang high school ug college students ningbisita sa demonstration farm.
Niadtong 2014, ang Municipal Links sa Pantawid Pamilyang Pilipino Program nakig-alayoan sa Municipal Agriculture Office (MAO) alang sa pagpalmabo sa umahan ni Francisco.
"Miski kapoy, malipay gihapon ko mag-demo sa mga estudyante kay ganahan man sad ko nga mapa-ambit sa lain akong nahibaw-an kabahin sa organic farming," matod ni Francisco.
Kon dinay mga bisita, si Francisco maoy mohatag sa pagtuki sa natural farming system sama sa indigenous microorganism, fermented plant juice ug fermented fruit juice.
"Sa panahon nga wala pay ani, kining mga tilapia maoy among sud-anon ug dili man pud mi magkalisud palit og bugas kay naa naman rice subsidy nga gihatag sa amo," dugang niya.
Sa miaging tuiga, ang Agricultural Training Institute (ATI) nikuha ni Francisco isip usa sa resource speakers alang sa organic vegetables farming seminar. Karon, usa siya ka Farmer Scientist Training Program Barangay Coordinator. (PR)