Mabati nimo kini. Gibati nimo kini kagahapon ug sa miaging adlaw, apan ning panahona mas grabe. Gipangulbaan ka. Gisingot ang lawas ug mga kamot. Gibati sa imong lawas ang mga epekto sa stress.
Apan sa unsang paagi ug ngano kini mahitabo? Unsa ang mga stressor, ug labaw sa tanan, unsaon nimo kini pag-atubang?
Ang una nga butang nga kinahanglan nimong mahibal-an bahin sa mga stressor mao nga kini makaapekto sa tanan. Dili lang ikaw ang nag-atubang sa tensiyonado nga mga sitwasyon. Apan ikaw - ug ang tanan - makahimo sa usa ka butang bahin niini.
UNSAY MAKA STRESS?
Ang stressor usa ka sitwasyon o panghitabo nga maoy hinungdan nga atong masinati ang stress. Mahimo kini nga internal o eksternal nga mga hinungdan, sama sa atong mga panumduman, palibot, o mga tawo sa atong palibot.
Ang atong tubag sa stress mahitabo kon ang atong utok makaila sa usa ka hulga. Mahimo kini nga bisan unsang makapaguol nga panghitabo, sama sa usa ka natural nga katalagman o usa ka mahinungdanon nga miting sa badyet.
Ang amygdala (parte sa utok), nga nagproseso sa atong mga emosyon, nagpadala og usa ka signal sa hypothalamus (parte sa utok) aron makigsulti sa atong mga nervous system ug magpagawas sa mga hormone sa stress sama sa cortisol ug adrenaline.
Ang paspas nga paglihok sa adrenaline nagpalihok sa atong tubag sa makig-away-o-molikay.
Samtang ang cortisol maayo alang sa pagpakunhod sa panghubag, pagtabang kanato sa paglihok ubos sa pressure, pagtabang sa pagkontrolar sa atong blood sugar level, ug uban pa, ang taas nga lebel sa cortisol mahimong makatampo sa Cushing syndrome ug uban pang mga isyo sama sa cardiovascular disease, kabalaka, ug depresyon.
KASAGARANG HINUNGDAN
Ang hinungdan sa atong tensiyon kasagaran dili nato makontrol, apan ang matag adlaw nga mga panghitabo sa kinabuhi makatampo sa atong kalisod.
1. Trabaho
Dili ikatingala nga mabati nato ang tensiyon sa trabaho. Ang mga deadline sa proyekto, panagsumpaki sa ubang mga kauban sa trabaho, micromanaging bosses ug burnout.
Ang kalisod gikan sa imong gustong mahimong perfect ang trabaho ug pagpugos sa atoang kaugalingon nga makab-ot kini.
2. Salapi
Ang kalisod sa panalapi nakaapekto sa mga tawo sa tanan nga edad. Ang bag-ong gradwado nga mga estudyante sa kolehiyo tingali mabalaka bahin sa ilang mga utang samtang ang uban mahimong ma-stress bahin sa pagpalit og balay. Tingali ang mga tawo nga nagtrabaho sa daghang mga tuig tingali na-stress bahin sa ilang mga tinigom sa pagretiro.
Ang survey sa Gen Z ug Millennial 2022 sa Deloitte nakapa’g nga 29% sa Gen Z ug 36% sa mga millenial nakit-an nga ang galastuhan sa pagpuyo mao ang ilang labing dako nga kabalaka sa pinansyal.
Bisan tuod kon di tanang stressor matangtang, mahimo nimong hatagan og gahom ang imong kaugalingon pinaagi sa pagkat-on og dugang mahitungod sa imong panalapi, paghimo og pinansyal nga mga plano ug tumong, ug pagkat-on sa mga teknik sa pagbadyet.
3. Ekonomiya
Ang tanan nga mga matang sa ekonomikanhon nga mga hinungdan nagdula dinhi. Ang tanan gikan sa suholan, bayranan sa buhis, ug kalihukan sa gobyerno mahimo usab nga makatampo sa mga kalisod .
4. Mga responsibilidad sa pamilya
Ang matag usa adunay lahi nga relasyon ug set sa mga responsibilidad sulod sa ilang pamilya. Ang single parents mahimong mobati og mas tensiyon kay sa mga tawo nga adunay kauban nga mosuporta kanila. O, ang mga tawo mahimong ma-stress bahin sa pagsuporta sa ilang mga miyembro sa pamilya ug mga minahal ug pag-atiman sa ilang kahimsog ug kaayuhan.
5. Personal nga mga kabalaka sa panglawas
Ang ubang mga problema sa panglawas nga atong giatubang mahimong hinungdan nga kita mobati og stress. Ang nagbalikbalik nga sakit mahimong hinungdan sa tensiyon, samtang ang tensiyon makapasamot sa sakit./www.betterup.com