NAKASUGAT og aksidente sa dalan ang Pinoy Boyband Superstar finalist nga si Markus Paterson sa dihang mibangga ang iyang gimanehong motorsiklo sa sementadong barrier sa Roxas Boulevard Manila niadtong Biyernes sa kadlawon.
Base sa report nga ang emergency team nga mirespondi sa maong insedente ngadto sa 18 anyos nga singer nga adunay “suspected fracture” diha sa paa niini gumikan sa nakitang deformity.
Sigun pa sa mga nakasaksi nga kusog kaayo ang padagan ni Markus nga way suga nga miresulta sa iyang pagkabangga.
Nabalitok pa ang biktima samtang nalabay ang sul-ob niini nga helmet.
Taliwala sa iyang pagping-it sa kasakit nakahimo pa si Markus sa pagluwat og pamahayag nga wa dayon siya makatawag sa iyang higala o pamilya kay human sa aksidente kay gikawat sa bystanders ang iyang mga butang.
Nasayran nga si Markus nahimong finalist sa Pinoy Boyband Superstar usa ka singing competition sa ABS-CBN niadtong 2016 ug usa sa cast sa pelikulang “Ang Babaeng Allergic sa Wifi”. (S)