GIPAKYAW sa 29 anyos nga hair and make-up artist kinsa maoy midaog nga Queen of Tisa - Universe Ariane Alvarez ang hapit tanang special, minor, ug major awards atol sa gipahigayon nga labing unang Queen of Tisa niadtong Biyernes sa gabii.
Si Ariane mao ang nanghakot sa special awards nga Leo Revita Ambassadress 2018, Miss Photogenic, Face of JF Model, ug Ms. Skin 911.
Samtang giharos niya ang upat sa lima ka mga minor awards diin naglakip kini sa Best in Production Number, Best in Fun Wear, Best in Talent, ug Best in Evening Gown.
Siya na usab ang mamahimong Tisa Gay Lesbian Association (TiGLass) Ambassadress, ang organisasyon sa LGTBQ sa Tisa nga mao usab ang nag-organize sa maong pageant.
Gikoronahan usab si Lyn Bautista isip Queen of Tisa - World, Carla Geng Bilangkad isip Queen of Tisa - International, Arcenal Divinagracia Ahig isip Queen of Tisa - Earth, ug Jerky Almo isip Queen of Tisa - Tourism.
Lakip sa nakuha ni Lyn mao ang Miss Congeniality.
Si Carla Geng usab ang nakakuha sa Best in Costume.
Si candidate number 6 Belle Almendras mao ang Smart’s Texter’s Choice Award diin aduna kini’y text votes nga 771 text votes.
Nakuha usab ni candidate number 7 Angelarose Jabonan ang special award nga Face of K by Keillah Sanduval.
Gawas sa cash prize nga P7,000 alang sa Queen of Tisa - Universe; P5,000; P4,000; P3,000; ug P2,000; alang sa top 5, nakadawat kini og gift packs gikan sa Skin 911, Titay’s, Flanax, ug Tiger, Smart, Ultramart, ug sa Virginia.
Nakadawat usab ang Queen of Tisa - World og P1,000 nga gift certificate gikan sa Meximama, ug P1,500 worth og GC usab sa Meximama ang Queen of Tisa - Universe.
Ang maong pageant gihimo kini atol sa Siomai Festival 2018 sa Barangay Tisa.
Usa sa highlight sa maong event ang fund raising niini alang sa mga biktima sa pagdahili sa yuta sa dakbayan sa Naga.
Gikan sa tickets nga P20, nakakuha ang organizers og kapin P27,000 nga i-donate kini didto sa LGU sa Naga. (HBL)