Relaxation, recreation gi-usa sa Nanay Eustiquia resort
Gawas nga mag-enjoy ka sa tin-aw nga tubig dagat ug white sand beach sa Nanay Eustiquia Complex Beach Resort, lungsod sa Moalboal, anaa sab silay laing kalingawan nga ikadalit.
Ang maong resort adunay horseback riding ug all terrain vehicle (ATV) ride nga mahimo ninyong masuwayan, busa dili mo bation og kalaay.
Ang Nanay Eustiquia nahimutang sa kapin sa usa ka ektarya nga luna sa Sityo Looc, Barangay Saavedra, Moalboal, ang dapit nga inila sa ilang puti ug pino nga balas.
Inyong masinati ang pagkamalinawon sa maong lugar nga perfect for relaxation.
Nasayran nga ang ngalan sa maong resort gipahinungod sa mga anak ngadto sa ilang inahan nga si Eustiquia.
ACCOMMODATION
Sa gusto nga mag-overnight stay sa maong resort adunay ‘cabin houses’ nga haom sa duha ka mga tawo sa tag-P1,500 ang gabii with free breakfast.
Anaa sab ang family o barkada room nga gikan sa P1,200 – P3,000 depende sa gidaghanon sa guests apan limit sa lima ka mga tawo.
Mamahimong makapili sa electric fan o air conditioned rooms sa managlahing kantidad.
Sa kadtong day-use, adunay cottages nga mahimong abangan sa presyo nga P500-P1,000.
UNSAY NAA?
Usa makalingaw nga kalihokan sa Nanay Eustiquia mao ang paglawig o molabang sakay sa pumpboat paingon sa Magpayong Rock, usa ka rock formation nga porma og payong.
Di sab palupig ang maong resort sa ilang crystal kayak paddle board, anaa sab ang ilang hand-pedaled boat, snorkeling o water walking sa tag-P200 ngadto sa P300 sud sa usa ka oras.
Suyawi sab ang horseback riding sa P500 diin makahigayon ka og suroy sa palibot sa resort. Lain pa nga amenities mao ang ilang ATV ride nga wa itanyag sa ubang resorts nga tag-P350 su’d sa tunga sa oras nga gamit.
Sa gusto nga magpainit atol sa bugnaw’ng kagabhion, anaay bonfire diin mahimong magtapok libot sa nagbaga nga bonfire pit.
UNSAON PAG-ADTO?
Sa mga way pribadong sakyanan, dili lisod ang pagsuroy sa area nga manukad sa Cebu South Bus Terminal sa N. Bacalso Ave., Cebu City diin ka mosakay og bus nga nagrota og Moalboal.
Kanaog paghiabot sa Moalboal bus stop diin mosakay og traysikol o motorsiklo paingon sa Sityo Looc, Saavedra o hangyuon ang drayber paingon sa Nanay Eustiquia resort.
CONTACT INFO
Sa mga interesado o adunay dugang pangutana mamahimong mo-email sa nanayeustiquiacebu123@gmail.com o pagduaw sa ilang official Facebook page nga https://web.facebook.com/profile.php?id=100065034582459
(Claudine Flores, CNU Intern)