Garbo nga gipahibawo sa Bisrock band nga SE24 nga patok sa masa o listening audience ang labing una nilang single nga “Sayaw Nga Kinaraan” nga opisyal nga gi-release niadtong Agusto 28, 2021.
Ang maong awit madunggan o available na sa mga music streaming app sama sa iTunes, Spotify ug Deezer.
Gipagawas na sab ang “Sayaw Nga Kinaraan” sa ilang YouTube channel nga moabot na ngadto sa kapin sa 3,000 views and counting, samtang 100,000 views sa ilang Facebook page wa pay usa ka buwan gikan sa pag-post niini.
Ang SE24 Band naporma niadtong Marso 9, 2021 diin sagad sa mga miyembro gikan sa banda nga Scrambled Eggs ug BTN.
“All of the SE24 members are very involved in the process of creating music, from writing lyrics and producing all of the tracks as well,” tipik sa press statement sa maong banda.
Ang SE24 gilangkuban nila ni; Mano Sunico - vocals, Lewey Beach - guitars, Son Choi - drums ug John Fuentes - bass. (FVQ)