Usa ka blessing sa pamilya, ang pag-abot ni Flavie Arya Omolon sa ilang kinabuhi.
Ang iyahang inahan, Geraldine “Gewow” Mabitag, wa magdahom nga siya manganak pa tungod kay dagko na og mga edad ang iyang naunang duha ka mga anak.
Sa ikapitong buwan sa pagmabdos ni Gewow, nagbabag pa gyud si Arya samtang naa sud sa tiyan sa iyang inahan.
Gihimugso kini pinaagi sa Cesarean section.
Natawo si Arya niadtong Nobiyembre 12, 2017 sa Vicente Sotto Memorial Medical Center sa siyudad sa Sugbo.
Paspas ang pagdagan sa panahon ug karong bag-o, gisaulog sa pamilya ang adlaw nga natawhan ni Arya.
Niadtong Nobiyembre 12, gisaulog ang 4th birthday sa bata sa ilang panimay sa dakbayan sa Lapu-Lapu.
Usa ka salosalo ang gihimo nga gi-sponsor sa iyang mga maguwang, Nooren Kaye ug Chad Noah Maglinte.
Hilabihan ang kalipay nga gibati sa bata sa kasaulogan labi na nakadawat kini og gasa nga duwaan gikan sa iyang Ate Noreen.