POP superstar Rihanna gikatahong mibalibad sa offer nga mo-perform sa Super Bowl halftime show.
Giingong kini gumikan sa iyang pagsuporta sa kanhi national football league quarterback Colin Kaepernick sa protesta niini batok sa racial injustice.
“They offered it to her, but she said no because of the kneeling controversy. She doesn’t agree with the NFL’s stance,” sigun pa sa source ngadto sa US Weekly.
Misimpatiya si Rihanna sa gihimo sa maong atleta sa dihang nagluhod kini samtang gi-awit ang national anthem sa America atol sa pagsugod sa usa sa mga duwa.
Ang gihimo ni Kaepernick agig protesta sa racial inequality ug police brutality batok sa black people ug minorities sa maong nasud.
Atol niining pagsuwat wa moluwat og opisyal nga pamahayag ang kampo ni Rihanna kabahin sa iyang pagbalibad, natala sa Reuters. (S)