Mga sagol:
Set A (Sabaw sa manok):
½ kilo nga manok
6 ka tasa sa tubig
1 ka stalk sa sibuyas bombay
5 ka pieces sa pasayan
1 ka stalk sa celery, gitagod
1 ka gamay nga carrot o carrot peels
½ sa kutsaritang asin
Set B (Wonton Filling):
200 grams sa ginaling nga baboy
3 ka pieces sa pasayan, gihiwa
2 ka kutsara sa oyster sauce
½ sa kutsarita sa white pepper
1 ka kutsara sa harina o cornstarch
1/2 sa tasa sa grated carrots
1-2 ka kutsara sa gihiwa nga spring onions
Fresh wonton wrappers, kon gikinahanglan
Set C (Soup):
Sabaw sa manok (gikan sa Set A)
Gikunis kunis nga manok (gikan sa Set A)
Wontons (gikan sa Set B)
Fish sauce, pangtempla
Set D:
Gihiwa nga pasayan (gikan sa Set A)
White pepper, pangtempla
Spring onions, gihiwa
Gigisal nga garlic chips, gihiwa
A. Hugasi og maayo ang manok ug ibutang sa stock pot, uban sa tubig ug mga utanon. Pabukala og mga 45 minutos. Hauna ang manok ug ipadaplin aron pabugnawon. Pabukali ang pasayan ug ipadaplin aron mabugnaw. Kon igo na ang kabugnawon nga mahimo nang kuptan, kuhai sa panit ug mga bukog ang manok ug kuniskunisa ang unod. Paniti ang pasayan, hiwaa ug ipadaplin. I-strain ang sabaw ug ipadaplin usab.
B. Sagula ang ingredients gikan sa Set B alang sa filling ug pormaha og half-inch balls. Ibutang ang ball sa usa ka wonton wrapper, pormaha og triangle. I-brush ang mga daplin sa wrapper gamit ang tubig ug i-fold ang duha ka sides ngadto sa tunga ug sirhi ang tunga aron masampungan ang karne. Balik balika kini hangtod mahuman ang tanang filling.
C. Pabukala ang sabaw, paubsi ang kainiton. Idugang ang molo dumplings ug gikuniskunis nga manok. Templahi sa asin ug pepper. Himoang medium ang kainiton ug lutoa hangtod nga maluto na ang dumplings, mga 8 ngadto sa 10 minutos.
D. I-garnish ang pasayan, green onions ug ahos sa di pa i-serve.