Super Lami: Pila ka lut-od sa pizza imong gusto?

■ Ang Aventino’s Pizza and Pasta nahimutang sa Sicad Building, atbang sa Metro Supermarket, sa Canduman, Mandaue City. / Alex Badayos
■ Ang Aventino’s Pizza and Pasta nahimutang sa Sicad Building, atbang sa Metro Supermarket, sa Canduman, Mandaue City. / Alex Badayos

SA Aventino’s Pizza & Pasta ra matilawan ang unique three-layered pizza ug di kaabot P500. Bag-o kining miabli sa Barangay Canduman, Mandaue City.

Aduna’y tulo ka Special Pizza ang Aventino’s: ang three-layered Tricia (P395), ang double-faced Chaveli (P260), ug ang folded pizza nga Calzone (P240).

Ang Tricia adunay tulo ka lut-od. Ang first layer, all cheese topping; ang second layer, all veggies; ug ang third layer, all meat.

Ang 12-inch thin crust nga tag P140-P150 aduna’y flavors nga Hungarian, Beef, Hawaiian, Bacon, Pepperoni, ug 3 Cheese.

Ang 12-inch thick crust nga tag P215-P250 available sa flavors nga Meat Fiesta, Bianca, Margherita, Mediterranean, Benito, ug Rustica.

Tulo ka klase sa pasta ang available: Spaghetti Bolognese (P85), Spaghetti Carbonara (P85), ug Baked Lasagna (P90).

Matod sa franchise holder nga si Dominic Moncada, ang Aventino’s gikan sa Siargao ug sikat ni didto. Siya ug ang iyang asawa nakadesidir nga mag-franchise sila sa Cebu.

Kapin usa ka tuig na ang nakalabay dihang gibuksan nila ang unang franchise sa Bacayan, Dakbayan sa Sugbo. Gisundan kini sa laing branch sa Lungsod sa Minglanilla ug karon ang bag-ong branch nila sa Mandaue City. Abli ang Aventino’s Lunes hangtod Dominggo, alas 11:00 sa buntag hangtod alas 9:00 sa gabii.

Ang Aventino’s anaa nahimutang sa Sicad Building, H. Abellana St. (atbang sa Metro Supermarket), Barangay Canduman, Mandaue City.

Makita ang Facebook Live sa pagbisita sa Superbalita Cebu niadtong Pebrero 13, 2021.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph