KINSA may malimot sa usa sa inila nga theme park sa Sugbo, ang Anjo World?
Ang maong theme park gidumala sa Belmont One nga nahimutang sa Cebu South Road, Barangay Upper Calajoan, Lungsod sa Minglanilla, Cebu nga unang gibuksan niadtong Disyembre 2018.
Apan nasira sa makadiyot ang Anjo gumikan sa pandemiya resulta sa coronavirus disease niadtong miaging tuig.
Gibuhi pagbalik sa Anjo og gisiguro nga motamod sa health protocol nga gipatuman sa kagamhanan o ang pagpatuman sa new normal sa maong kalingawan.
Kini gihimo aron nga kapanalipdan ang mga staff ingon man ang guest nga mataptan sa gikabalak-an nga virus.
Protocol
Ania ang mga gipatuman sa Anjo World:
* Kapasidad nga 50 porsyento sa ilang mga rides
* Pagpahinumdum sa ilang mga guests nga kanunay nga paghugas sa kamot ug paglimpiyo, paglayo sa lawas,
* Pagsusi sa temperatura
* Health declaration alang sa contact tracing
* Pagsul-ob sa facemask ug face shields
* Kanunay nga disinfect sa tanang pasilidad ug rides
Gipalig-on sab nilang ang pagsagop sa bag-ong teknolohiya pinaagi sa pagdasig sa ilang guest nga mogamit og contactless nga paagi sa pagbayad sa tickets ug pagkaon.
Kaniadtong Oktubre 22, 2020, gipahibalo sa Anjo World Theme Park nga wala nay limit sa edad ug giwala na sab ang pagpangayo og mga dokumento sa pagbiyahe (o mga quarantine pass) aron makasulod sa maong establisemento.
Unsay naa?
Sukad sa pagbukas sa Anjo World aduna silay 12 ka nagkadaiyang amusement rides nga naglangkob sa: Golden Carousel, Mr. Cup, Space Shuttle, Mr. Toad, London Taxi, Viking, Tower Drop, Hip Hop, Boomerang, Anjo Eye, The Pharaoh ug Bumper Boats.
Apan gidugangan ang maong kalingawan nga angayang masuwayan sa guests nga mao ang FUNtastic Arena.
Sa arena nahimutang ang amusement arcade sa mga kalingawan nga duwa og ang mga modaog adunay stuffed toy nga premyo.
Pahinumdom nga kadtong guest nga mo-avail sa rides adunay himuong screening aron pagsiguro nga luwas ang ilang paglingaw-lingaw og dili tugotan kadtong adunay gipamate sa panglawas.
Ang Snow World Cebu, ang labing una na nga Winter Park Them sa Cebu ang gibuksan usab pagbalik diin mamahimong masinati ang palibot nga hilabihang kabugnaw nga susama nga kasinatian kon atua ka sa winter countries.
BayrananM
Fees nga pangayuon alang sa mga hamtong ug mga bata: P600 alang sa Day Adventure Pass (Unlimited Rides,walay labot ang pagsulod sa Snow World), samtang P800 alang sa Day Adventure Pass lakip ang Snow World (Unlimited Rides, ug Snow World)
Sa mga buot mopalit og tickets palihug bisitaha:
AnjoWorld Website: https://www.anjoworld.com/tickets
AnjoWorld App: Pangitaa ang Anjo World Theme Park sa Google Play or Apple App Store.
Contact number: 0977-808-8000 Social: Facebook Page
Pahibawo lang daan nga ang rate, detalye sa pagkontak ug uban pang kasayuran nga nasuwat mamahimong may kausaban matag karon ug unya.
Alang sa mga bag-ong kasayuran,mamahimong i-check ang www.anjoworld.com o bisitaha ang ilang FB Page.
Ang Anjo World bukas gikan sa 12 noon hangtod 8 p.m. sa Miyerkules hangtod Dominggo.
***
CONTRIBUTOR:
Jesson Morata - lumad nga taga-dakbayan sa Lapu-Lapu, Marketing and Communications Specialist sa Visayas ug Mindanao sa usa sa mga BPO’s dinhi sa Sugbo ug mahiligon sa biking, motorcycle rides, trekking, running ug certified nga hinuroy.