"Saan ba aabot ang P799 mo?"
Karong buwana nga tingbakasyon na sa mga tinun-an, perfect kini nga panahon aron planuhon ang inyong pagpanuroy.
Tungod sa nagkataas nga presyo sa palitunon ug ubang gastuhon ang uban isakripisyo ang relaxation kay lagi nagdaginot.
Apan aniay pagpanuroy nga 'abot kaya ra sa bulsa' ug 'hassle free' pa, kay ang Cebu Finest Island Hopping Tour nagtanyag og Summer Promo Package nga tag-P799 matag tawo.
Lakip na sa maong promo ang boat rental sa inyong pagpanuroy sa tulo ka mga isla sa Olango, Lapu-Lapu City.
Nganong 'hassle free'? Kay di na kinahanglan nga magbitbit pa sa inyong mga bawon o magsugba-sugba kay apil na ang pagkaon ug pagluto alang sa inyong pagniudto.
ISLAND DESTINATIONS
San Vicente Marine Sanctuary, sa Barangay San Vicente, Olango maoy first stop sa inyong pagpanuroy.
Unsay naa sa maong isla nga balik-balikan sa mga turista? Mao ang ilang sandy beach, coral reefs ug mangrove forest.
Ang maong lugar naila sa ilang clean blue water ug usa sa pipila ka mga snorkeling ug diving spot sa Olango.
Naa sab mahimutang ang board walk nga adunay entrance fee.
Ang sunod nga itinerary mao ang isla sa Caohagan nga maoy dagsaan sa local ug langyawng turista diin nahimutang ang sand bar.
Anaa sab sa Caohagan ang seafood market nga medyo pricey ang seafoods tungod kay buhi ang mga baligya niini.
Mahimo kang mag-chill chill sa lugar, adunay souvenir stalls, lounge chairs, swings nga perfect sa inyong picture taking.
Pahinumdum lang, ang barangay Caohagan mangolekta og P50 nga environmental fee sa matag local nga turista ug P75 sa foreign tourist.
BOODLE LUNCH
Sa oras sa tingpaniudto, i-serve na ang boodle lunch on board uban ni Chef Marc Cuizon sa pumpboat.
Ang mga guest di na mahasol pa og sugba-sugba o hikyad sa mga pagkaon kay adunay crew nga moserbisyo kaninyo, gikan sa pagluto, sugba ingon man ang food preparation.
Bugtong nga inyong buhaton mao ang pag-enjoy sa inyong pagsawom-sawom.
Third stop sa inyong island hopping mao ang Sulpa Island, usa sa unom ka satellite island sa Olango.
Perfect ang lugar sa inyong water sports activity sama sa jetski, banana boat ride ug parasailing (lahi ang bayad niini).
Sa maong lokasyon adunay mga manindahay sakay sa ilang baruto nga moduol sa inyong pumpboat nga naninda og souvenirs ug aduna pay popsicles kon gusto mo og pabugnaw.
PACKAGE MENU
Siguradong sulit ang inyong P799 kay ang menu nga lakip niini; sinugbang baboy/manok/pasayan/chorizo de Cebu, guso o lato salad, kamote/saging, ginamos, puso, softdrinks ug bottled water.
Mahimo sab mo makadala og extra nga pagkaon ug mainom nga way corkage fee.
Alang sa dugang pangutana mahimong mobisita sa ilang official Facebook page ang Cebu Finest Island Hopping Tour, ECebu Finest Island Hopping Tour Partners.
Unsa pay gipaabot ninyo? Suroy na!