NANGITA ka ba og suroyanan sa tuyo nga mawala ang tanang negative vibes, human sa stress ug ka-busy sa trabaho o sa uban nimong gimbuhaton?
Diay dapit nga dili ka magmahay sa higayon nga makataak ka sa gi-ila nga Bluewater Falls o Hidden Paradise, ang lugar sa lungsod sa Baggao, Cagayan Province.
Gikonsiderar pa ang maong lugar nga virgin gumikan kay dili pa daghang tawo ang moduaw niini.
Sa kadtong mahiligon og adventure perfect spot ang Baggao, gumikan sa mga challenges nga inyong masugatan apan worth it.
Unsaon pag-adto?
Ang labing paspas nga paagi sa pagpa-ingon sa Baggao gikan sa Sugbo mao ang pagsakay og eroplano padulong sa Tuguegarao.
Lisod ug medyo langay ang travel sa Baggao tungod kay ang kalsada sa maong dapit padayon pang gi-construct, ug mas maayo nga mo-hire og van nga nasuheto sa lugar.
Milanat sud sa upat pa ka oras aron nga ma-abot sa Baggao.
Gikan sa drop-off point, kinahanglan ka pa molakaw og 30 minutos padulong sa entrance sa Bluewater.
Aduna kini registration fee nga P30 dili tugutan ang mga turista nga mobisita sa falls kon walay tour guide, apan puwede ka mo-hire sa ilang serbisyo sa kantidad nga P500 per four persons.
Sa pagsulod sa lasang, pangutan-on mo sa tour guide kon ganahan ba ka sa shortcut o sa long cut.
Ang shortcut modiretso dayon sa Blueweater Lagoon apan kon long cut ang inyong pili-on, i-andam ang kaugalingon.
13-tier waterfalls
Moabot sa 13 ka busay ang agihan busa mas haom kon ang inyong sul-obon mao ang trekking shoes o rubber shoes tungod kay kabatoan ang agi-anan ug kinahanglan ka nga mosawom sa tubig aron makalabang.
Ang pag-agi sa mga busay dili pareho sa canyoneering nga pana-og ang rota kay kini tungason.
Adunay parte sa rota diin kinahanglan gyud ang imong kusog ilabi na nga kinahanglan mangikamot ka aron nga makasaka.
Sa matag busay nga masak-an, puwede mo-break ug mopahulay diha sa bugnaw nga tubig.
Usa pa, ang tubig sa maong lugar limpyo kaayo ug kolor blue, sigun pa nga sa kalimpyo niini, puwede ma-inom tubig sa falls.
Instagrammable kaayo ang kada stop tungod maglain-lain ang hitsura sa falls. Aduna’y parte sa falls nga makit-an ang kinatibuk-an sa lugar ug aduna sab nga puwede higdaan.
Ako makasiguro nga ma-enjoy ka ug ma-relax.
Blue Lagoon
Sa tumoy nga bahin maabot na ang Blue Lagoon, ang gihulagway nga magical nga danaw sa Baggao.
Ma in-love ka lugar tungod sa nagpangidlap nga kolor sapphire / emerald nga kolor ang tubig.
Gilibutan sa mga kahoy ang maong lagoon ug alang ka nako usa ka surreal experience.
Lahi ra gyud sa personal o sa picture lang nimo makita ang area, dili kabayran ang katahom nga mosugat sa imong panan-aw.
Puwede mo mag-relax ug magpalutaw-lutaw o moduwa ug way limit sa oras nga mapahimuslan ninyo ang kahigayonan.
Dinhi siguradong malimot ka sa imong suliran, kahuot sa dughan o kamingaw nga inyong gibate kay kon ako lay pa-istoryahon stress reliever ang maong kinaiyahan.
Blue Water Cave
Og kon nangita ka og mas challenging o laing adventure naa sab ang Bluewater Cave.
Sa maong dapit inyong makita ang mga rock formation ug mga kristal nga makapangangha.
Masinate sab ang kabugnaw sulod sa kuweba.
Nasayran nga ang Blue Water cave adunay gitas-on nga six kms. ug ang lim-aw sud sa langob nahisama sa kalapdon sa Olympic pool.
Sa katapusan, ako ning ibilin nga mensahe sa kadtong naglaraw nga mosuroy: “Discover the unknown and conquer your fears!”
Ayaw na pagduha-duha, suroy na.