KON hisgutan na gani ang nasod nga Hong Kong, usa sa mosud kining Disneyland nila, ilabi na og adunay kuyog nga bata nga molaag didto, mas maayo nga di sipyaton ang Hong Kong.
Niadto lang miaging buwan dihang nibisita me sa maong nasod, inubanan sa akong tibuok pamilya.
Di diay maayo nga mobisita sa maong nasod og buwan sa Mayo tungod kay grabe ka init, sama ra usab kini sa kainit sa Sugbo apan maayo nalang ning init kaysa mag-uwan, kay di ka kalaag.
Kon nagplano ka nga mobisita sa nasod ug ilabi na sa sikat niini nga Disneyland, alang kini nimo.
Adunay nagkadaiyang airline nga mamahimong masakyan gikan sa Sugbo paingon sa maong nasod, direkta na usab kini.
Napalit namo among plane ticket, last year pa, October ug nakuha ni namo sa P4,800 ang matag usa, roundtrip na, basin naa pay mas barato ana, mas maayo.
Kay lagi naa me kuyog bata, plano namo nga sa second day, mobisita sa Disneyland, kay nakadungog man sad ko anang online booking app nga Klook, nisuway mi.
Nakakuha me og ticket for Disneyland, two days una namo gamiton, anaa sa P3,663 ang adult price (12-64), samtang P2,691 alang sa child (3-11).
Mas maayo ni kaysa didto ka mopalit sa Disneyland, mahal na.
Kay mahal lage kaayo ang Hong Kong, ilabi na sa pagkaon, pag-expect nga mas doble o triple ang presyo sa palaliton sud sa Disneyland.
By the way all in access na imong ticket, so tanan rides masakyan nimo, molinya sab lage pero tuo lang, malibot ra nimo siya tibuok adlaw.
Naay fast lane, mao sab lage kinahanglan ka nga mobayad og extra.
Kon ako imong pangutan-on, the best ang rides sa Grizzly Gulch, Mystic Point, ug sa Tomorrowland, tungod kay naa diha ang lingaw ug exciting rides.
Ania ang pipila sa tips nga angay nimong hinumduman kon mosulod sa Disneyland.
1. Importante! Kuha og mapa, aron kahibawo mo asa mo padung.
2. Kon makasud, ayaw ilabay imong bottled water kay naay fountain, pwede ra maka refill.
3. Pagdala og ilisan ilabi na kon summer ka moadto kay init kaayo.
4. Mahal ang pagkaon, kon mamahimo nga magbawon, pagbawon apan siguradoha nga di makit-an sa security inig sud, aron di mahabilin, o kaha kaon daan sa gawas.
5. Kon naay dala nga bata below 5 years old, naay abanganan og stroller, tag 120HKD, niya deposit nga 100HKD. Laban!
6. Tan-aw mo sa Carnicale of Stars, inig hapon ni mga alas 4 o alas 5 sa hapon. I-announce na sa Main Street, U.S.A.
7. Kuyogi ang mga bata kon mosakay og rides, ayaw pasagdi bisan og binata pa. Adunay rides nga pwede sila, apan magdepende kini sa height nila.
8. Enjoy! Ayaw kapoy-kapoy. Abli sila gikan sa sa alas 10 sa buntag hangtod alas 8:30, ayaw pag-expect og fireworks ilabi na og weekdays or ordinaryo nga adlaw ka moadto. (HBL)