Ang lungsod sa Carmen nga nahimutang sa amihanang bahin sa probinsya sa Sugbo naila sa maanindot nga mga beach resort, lamian nga delicacies ug mga tinagong botanical and zoological landscapes.
Bisan sa kagamay sa lungsod, dakong garbo kanila ang Cebu Safari and Adventure Park nga nahimutang sa 170-hectare nga property, gi-feature niini ang mga lainlaing klase sa kahayupan sama sa mga lion, tigre, ug giraffe sa lapad nga bukid.
Apan dili ra ang Carmen Safari Adventure Park ang mibida sa lungsod kay adunay lain pang preskong lugar nga swak kaayo isuroy kuyog ang pamilya, barkada o di ba kaha inyong forever, ang ‘Agwas.’
ATRAKSIYON
Ang Agwas usa ka bag-ong tukod nga mountain café nga nahimutang sa bukirang bahin sa Barangay Sac-on.
Konektado kini sa Alhibe Farm, usa ka homestay ug permaculture farm nga adunay spring-fed pool.
Ang tibuok disenyo ug arkitektura sa Agwas ginama sa kawayan.
Ang kawayan ang sentrong tema sa café tungod kay importante kanila ang sustainability branding.
Sulod sa café, adunay mga klase-klaseng tanom ug punuan ang nakapalibot sa mga gagmayng payag niini.
Ubang features sa lugar mao ang bamboo bridge ug book shelf nga napuno og libro alang sa mga mahiligong mobasa.
Sulod pa gyud sa mga gagmayng mga payag mao ang mga bamboo-style nga mga lingkuranan, lamesa, ilabi na ang mga lighting fixtures.
Tungod kay importante sa café ang sustainability branding, importante sab kanila ang eco-friendly nga pamaagi sa pagluto ug pag-serve sa mga pagkaon ug refreshments.
Gawas sa ma-enjoy ang preskong hangin, ma-enjoy sab sa mga turista ang mga lamian pagkaon! Ang Alhibe Farm maoy tig-supply og mga raw goods and ingredients ngadto sa menu selection sa Agwas.
UNSAON PAG-ADTO?
Opening hours sa Agwas gikan sa alas 9 sa buntag ngadto na sa alas 6 sa gabii ug mas maayong molakaw og sayo gikan sa panimalay aron ma enjoy ang green landscape.
Pwede sab mag-private car samtang mogamit og Google Maps o Waze app padulong sa maong lugar.
Sa mga commuters nga gikan sa siyudad sa Sugbo, pwede ra mosakay og Ceres sa North Bus Terminal o Carmen Minibus sa SM City ug monaog dayon sa Carmen Public Market ug mosakay og habalhabal.
Ang maong mountain café dili ra makaabot sa Carmen Safari Adventure Park samtang magbiyahe paingon sa Barangay Sac-on, mo-right turn dayon kon makakita og signage sa corner sa Ave Maria.
Sa gusto og dugang pa nga ma detalye o inquries, pwede ra mobisita ug mangutana sa ilahang Facebook page: AGWAS. / Ubang hulagway gikan ni Ching Sadaya