"Disconnect to connect" tagline sa Taytayan Camp Island Adventure nga nahimutang sa Barangay San Vicente, isla sa Olango, Lapu-Lapu City.
Pasabot sa maong panultion nga ipalayo ang imong kaugalingon sa mga butang nga naghatag kanimo og negative vibes, ug i-connect ngadto sa kinaiyahan dili lang sa Taytayan Camp, lakip na sa ubang suroyanan sa isla sa Olango.
Kon ikaw gilaay o gibug-atan na sa stress sa kinabuhi, perfect ang Taytayan Camp nga maghatag og kalingawan, bation og kahayahay o ma-de-stress sa tension sa trabaho, relasyon, ug uban pa.
Ang barangay kapitan sa San Vicente, Cyrus Eyas, nagkanayon nga natukod ang Taytayan Camp niadtong 2020 atol sa pag ulbo sa pandemiya resulta sa Covid-19 virus.
"Akong napanglantawan nga panahon sa pandemic way laing destinasyon nga duol sa isla (Olango), Lapu-Lapu mao nga nakahuna-huna ko ani," tipik sa pamahayag ni Eyas.
Sa pangutana kon nganong ginganlan kini og Taytayan camp, si Eyas nipasabot nga ang iyang lokasyon nahimutang duol sa taytayan nga nag-uwang sa Barangay San Vicente ug Sta. Rosa.
UNSAY NAA?
Daghang mahimo nga kalihokan sa Taytayan Camp nga sigurado nga inyong matagamtaman ang island vibe experience.
Mga activity option nga inyong masuwayan mao ang mosunod: Biking-P20 ang oras, all terrain vehicle (ATV)-P300 per hour, paddle boat (mangrove tour)-P200 per hour, Kayaking P300, island hopping – P2,000 good for 8-10pax, prenuptial photoshoot P500, volleyball, ug table tennis.
Ang maong lugar adunay food park, pasalubong center, RJC Cafe, Kita Kits food and beer, barbeque station, Butongan ni Pedang, souvenir shop, sari-sari store, live band (Sabado, Domingo ug holidays) , duyan (hammocks)
ACCOMMODATION
Sa gustong mopahuway o mag-overnight stay, ang Taytayan adunay labing barato nga rates.
Overnight camping fee – P100 per pax, camping tent rental-P200 good for 2 samtang adunay dagkong tent sa lahi na sab nga presyo.
Sa kadtong magdala sa ilang kaugalingong tent-P50, tables and 6 chairs-P150,
Aduna sab silay TC hut nga air condition-P1,200 good for 2; P1,800-good for 3 diin ang check-in time sa 2:00pm samtang check-out 12:00 noon.
Achieve na achieve ang stress free mind sa Taytayan Camp Island Adventure, suroy na ta!