Talk to Papa Joe: Ang importante di-a ko

Talk to Papa Joe: Ang importante di-a ko



Dear Papa Joe,

Tagoa lang ko sa ngan nga Mildren, 40 plus na ang panuigon, minyo ug may usa ka anak nga dalaga na.

Ang akong bana bag-o lang niabot gikan sa gawas isip usa ka OFW. Karon di na siya mangontrata balik sa gawas kay mura ra kuno siya og di minyo, di pamilyado kay tagsa ra mi magkita. Niingon siya nga magnegosyo lang mi apan, para nako di man na kasiguradohan sa among ugma. Maayo man to sa abroad kay klaro ang kita.

Para niya mas importante na niya kay naa siya sa among atubangan. Magsigi na lang mi og lalis kay ako siya giingnan balik didto ug iya man hinuon ko tubagon nga “kon gusto ka, ikaw na lay larga.” Unsa may tan-aw nimo, sakto ba ko o siya? Tambagi ko.

MILDREN

Mildren,


Maayong adlaw. Sa tinuod puro mo may punto apan bug-at sad baya iyang rason kay di lalim nga naa ka sa layo ug dako ang haw-ang nga wa didto ang imong pamilya. Meaning mura ka og di minyo ug giobliga lang siya.

Di sad nimo masulti nga way ugma ang negosyo kay depende na kon unsaon pagpadagan ang negosyo. Kay kon puro nalang sad kwarta ang imong gihuna-huna, basin inyo pang relasyon ang di maugmaan, either ikaw o siya ang mo give up.

Sa iyang sulti nga ikaw lay larga, basin iyang pasabot nga masabtan nimo kon unsa say iyang kalisud nga naagian samtang didto siya sa abroad. Di man gud tanang tawo nga istado sa kinabuhi ang prayoridad. Ang uban makalabang lang ug naa ang iyang pamilya, okay lang.

PAPA JOE

(sa inyong tampo ipadala lang sa papajoesuperb@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph