Dear Papa Joe,
Tawaga lang ko sa ngalan nga Rio, 49 anyos na ko ug biyuda, may duha ka mga dalagitang anak. Wa man koy problema sa kwarta hinuon kay may negusyo man mi nga gitukod sa akong bana sa una nga napadayon nako karon.
Ang akong problema kay mahitungod sa sitwasyon karon. Mag-anxiety attack man gud ko sukad namatay akong bana. Hadlok ko sa mga balita nga pirme nalang naay mamatay tungod aning maong sakit ug pipila ka mga kaila nako naigo ug namatay apan ang nakaapan kay mahadlok ko magpabakuna. Basin mamatay na hinuon ko. Mag unsa naman akong mga anak? Asa kaha ko moduol para mawala unta ning kahadlok ko? Palihug tambagi ko.
Rio
Rio,
Ang akong matambag nimo mao ang pagpakonsulta sa doktor since may kaya ka. Nganong di man ka mogahin para ana? Basin simbako magmahay na hinuon ka nganong wa ka mo aksyon. Basin sa sige nimo og hunahuna ana, atakihon na gyud ka sa kasingkasing puhon simbako lang. Mao adto sa mga eksperto dangop.
Kon nahadlok ka og bakuna lisod na, apan mao lagi na maski unsaon nimo og likay, atong kontra di makita. Di ko gusto mo impluwensya ninyo unsay sakto, unsay di. Basta the best adto mo maminaw sa duna gyuy nahibaw-an, di sa mga tsismis sa silingan.
Papa Joe