Dear Papa Joe,
Tawga lang ko sa ngan nga Lala, 29 years old, buwag na sa ka live-in pero naay anak usa nga 5 years old.
Karon naa koy amo nga babaye. Actually, kadugo ra nako nga naminyo og foreigner.
Mga 5 years na sad siguro ni sila ug wa kaanak. Wa sad sila anang test tube baby kay mahal daw.
So, nihangyo siya nako nga magpabuntis ko sa iyang afam para dayunon siya og pakasal ug may hold na siya isip mama sa anak sa afam. Mao nga nisugot sad ko bugti sa dakong kantidad.
Pero kinahanglan sa Manila ko mo stay nga di makita sa mga taga amo nga namabdos ko.
Tuod man way usa sa akong kadugo nasayod ani. Akong palakaw nga sa Manila ko work.
Mag-abot mi sa afam sa usa ka motel kuyog ang iyang asawa nga sa awto ra maghuwat. Professional man sad ang afam.
Walay romansa, way tangtangay og sapot basta lang makalusot. Katulo man daw para sigurado.
Ikaduha ug ikatulo lahi na. Mao ni akong problema ron kay nanobra na ug na-develop naman mi sa usa’g usa nga wa masayod ang iyang asawa.Unsay buhaton ko? Tambagi ko.
LALA
Lala,
Technically, wa moy sabit kay puros man mo way kabilinggan.
Pero delikadesa ta kay lahi man ang inyong sabot.
Mahu’g nga nanintal ka sa iyang bana.
Pero di sad siya kabasol kay iyang style di man sad mao.
Basin sa performance ug edad layo ra mo.
Pero kon na-develop na mo, kinahanglan andam ka sa mga bati nga istorya diha nimo.
Resulta sad na sa side sa asawa nga di gugma ang giapas, nasumbalik na niya.
Pero ikaw?
Naa ra gyud na nimo kon gugma gyud na imong gibati.
Dako ug naa na man ka sa hustong edad.
PAPA JOE
(sa inyong tampo ipadala lang sa papajoesuperb@gmail.com)