Dear Papa Joe,
Tawaga lang ko og Ligaya.
Ngano kaha nga ang akong ugangan nga lola sa akong mga anak unfair man kaayo siya og tinagdan sa akong mga anak nga 4 ug 2 years old?
Masakitan ko mag tan aw nga magdala siya og food sa iyang apo nga naa ra sa pikas kwarto namo. Akong mga anak patan-awon lang niya, di gyud niya tagaan. Everytime magsugat niya akong mga anak dili niya tagdon. Pinangga man unta namo siya kay kami ang nag supply sa iyang mga maintenance nga tambal,
Naa pud toy one time, Papa Joe, nga nakita gyud nako nga naggunit siya og pagkaon, nangayo ang akong anak pero wa gyud niya hatagi. Pwerting hilak sa mga bata. Dili kuno to para nila, sa iyang apo daw to nga ilang pinangga. Sakit kaayo.
Bisan moingun ko sa akong huna-huna nga i-ignore na lang nako pero dli gyud kalikayan. Makita man gyud nako og sige.
Please I need your advice kay ma stress pud ko og sige og huna-huna.
LIGAYA
Ligaya,
Ang rason nga akong nakita diha no kay dili sa iyang mga apo, kon di ikaw. Sa laktod nga pagkasulti wa siya kauyon nimo ug pinaagi sa pagpakita niya nga di patas sa iyang mga apo, nasayod siya nga masakitan ka ug satisfied siya ana.
Basin ganahan siya nga mohawa mo diha. Ako pa nimo prangkahan nimo ang imong bana nga ganahan ka maglahi una mo. Prangkahan ang imong ugangan pero kon di kaya sa imong bana mohawa kay minos pa ang kwarta, mao nay giingon nga kapit patalim gyud mo. Kon unsa man gani, ikaw na lay palit para sa imong mga anak. Last na lang, way ayo mangipon.
PAPA JOE
(Sa Inyong tampo ipadala lang sa papajoesuperb@gmail.com)