Dear Noy Kulas,
Itago lang ko sa alias nga Alma. Usa ko ka single mom but naa koy boyfriend karon. Ang akong problema ang among relationship niya ug sa akong anak.
Sa bag-o pa ming uyab ni alias John, okay pa man unta kaayo ang among relationship bisan nakahibawo siya nga single mom ko. Ang akong anak nga 10 years old na pud nakauyon ra sa iyaha. But nagkadugay nagkausab ang iyang treatment sa akong anak ug mao ang among awayan, especially kon mahubog siya. Iya kong sukmatan nga angkan ko ug di siya ganahan nga magminyo mi kon dad-on nako ang akong anak. Usahay iya pang singhagan ang bata kon makainom siya so dinhi nagsugod nga di na ganahan niya ang akong anak.
Mag four years na mi niya, Noy Kulas, and I love him so much. Mao naglibog ko unsa ang akong buhaton karon. Anugon ang years with him but kani lang ang iyang batasan lately nakapa doubt nako. Unsay akong buhaton? Please tambagi ko.
ALMA
Al,
Okay ra man nang gugma ngadto sa usa ka tawo. Apan angay ba siyang higugmaon bisan kon milutaw na karon ang iyang tinuod nga kolor nga di siya ganahan sa imong anak ug sa imong pagka single mom? Sa ato pa, conditional ang iyang gugma nimo, wa niya dawata ang kinatibuk-ang ikaw ug ang imong anak. Kon ang iyang gugma lawom ug nakagamot taliwa sa kadugayon, di siya mag ingon ana. Bisan tuod iya ning ipagawas matag higayon nga makainom siya, kana nagpasabot lang nga deep inside ing ana diay ang iyang gibati. Tinuod baya na nga sa bino naa diha ang matuod.
Ayaw kahanugon sa pagputol sa relasyon nga seguradong sa ugma damlag imong pagamahayan. Ayaw ibaylo ang imong anak sa tawo nga wa makadawat kanimo sa kinatibuk-an. Kay bisan magkinaunsa, ang imong anak naa kanunay nimo, nahigugma kanimo samtang siya kaduha-duhaan. Pahunata siya, magbuwag ba mo o di kon di na siya makadawat sa imong estado.
NOY KULAS
rojval69@yahoo.com