Dear Noy Kulas,
Tagua lang ko sa ngan nga Jason. Ang akong problema mao ang pag move on sa akong kanhi live in partner nga taguon lang nato sa ngan nga Ms. M.
Kani si Ms. M single mother ni dihang nagkauyab mi. Pobre sila but duna siyay work ug maoy nag support sa iyang family.
Kay okay ra man ang akong pagkabutang so, nitabang ko nila. Akong giila ang iyang anak nga akoa.
Karon wa ko kahibawo naa diay siyay nauyab nga foreigner nga naa sa Pilipinas nagpuyo ug magpadad-anan diay niya og kwarta.
Wa ko nakasakop nila ug diha na ko nakahibawo nga nakigbuwag na siya nako kay manglarga na sila sa iyang anak sa Manila kay adto na sila mamuyo kay magminyo sila sa foreigner.
Nahitabo ni last year, Noy Kulas, but until now gahandom ko niya. Naay time ganahan na ko mamatay. Ang sakit kay giputol niya ang tanang communication namo, bisan asa sa social media. Unsa may akong buhaton? Lisod ug sakit kaayo ang nahitabo.
JASON
Jason,
Lisod ug sakit bitaw ang maanindot nga mga hitabo sa atoang kinabuhi bisan kon ang tawo nga nipasakit kanato di angay niini. Okay tingali kon siya namatay sa sakit o napugos sa pagbiya nimo tungod sa mga sirkumstansya.
Apan kon imong tan-awon og maayo ang sitwasyon ninyo, iya kang gilimbungan ug gigamit. Makaingon tang gigamit ka lang niya kay sa kadakong kasayon, iya kang gibiyaan. Di pa igo, giputol ang tanang komunikasyon.
Iyang gihilom ang iyang relasyon sa foreigner taliwa sa imong pagmahal niya ug sa iyang anak.
Is she worth sa imong kasakit? Di gyud. Di siya angay handumon kay bisan siya dako kaayo og posibilidad nga wa naghandom kanimo kay sayon ka ra niyang gibiyaan.
Busa di ka angay nga mahinugon niya. Maanugnan ka lang sa tawo nga naghatag og bili kanimo.
Apan wa ka man niya hatagi niana, so, undanga na ang imong pagpadugo sa kasingkasing ug paagas sa mga luha.
NOY KULAS
rojval69@yahoo.com