Dear Noy Kulas,
Just call me Leian, 22 years old. Di pa ko dugay nag work kay last year lang ko ni-graduate sa college. Kining akong problema parte ni sa akong lovelife.
Since high school daghan na kaayo ko og failed relationships. Kadaghan na ko nasaktan but sige lang gihapon ko og apil aning relationship.
Since pag start nako og work, naa koy na close nga guy. Ni admit siya nga maibog siya ug lalaki gamay but mas ganahan siya og babaye. Buotan kaayo ug gentleman siya. Sige mi og kuyog sa pagpanglaag ug outing kuyog among mga co-worker.
Dayon wa ko mag expect nga manguyab siya nako ug kay ganahan ko niya, ni say yes ko niya. But kahibawo ka, Noy, unsay nakalahi niya sa ubang mga lalaki? Ingon niya iya kong pakaslan ug sa among first night pa siya mohilabot nako.
Naproblema ko tungod kay di na ko virgin. Past BFs nako nakahilabot na nako. Naglibog ko unsaon nako siya og sulti kay sure ko ma discourage siya nako. Ako ba kaha siyang sultihan? I don’t know if madawat siya sa akong family kay maila sab iyang lihok nga siya may pagka gay. Please tambagi ko, Noy Kulas. Thanks.
LEIAN
Leian,
Sama niadtong uban nagpatambag nako, sultihan ta ka nga prangkahi siya nga di ka na virgin. Kay basin sab pareho na siya sa ubang mga lalaki nga kon di mag-bleeding ang babaye sa first contact, magtuo nang di na virgin. Daghan na kong nasugatan ana nga cases sa almost 29 years nako nga pagpanambag nga maluoy ka sa babaye kay ingnon nga di na virgin kay wa nag bleeding. Mag bleeding man gani nang nanganak na kon dunay circumstances nga mo cause ani.
Naa ra niya kon iya kang dawaton o di. Diha sab nimo makita kon nahigugma ba siya nimo o di. Sa sunod, ayaw na padala anang mga estorya nga ang sex maoy pagpakita sa love sa babaye ngadto sa lalaki. Respeto sa lalaki sa babaye ang usa sa mga sukdanan sa gugma.
Sultihi sab ang imong family sa inyong relasyon. Ayaw itago.
NOY KULAS
rojval69@yahoo.com