Dear Noy Kulas,
Tawga lang ko sa ngalan nga Milay, taga Negros but dinhi na nagdako sa Cebu.
Ang akong problema kabahin sa akong pagkatawo kay bisan minyo na ko, naa koy ma feel nga part nako lalaki.
Yes, maibog ko og babaye ug in fact, ma attract ko og babaye sexually. Karon ra nako ni na feel during sa pandemic. But gipugngan nako ni og maayo kay kaulaw naa na koy mga anak unya mokalit ra ko og ka tomboy.
Naa koy amiga nga single ug closet nga homosexual. Nisulti siya nako sa tinuod niyang nature. Na shock ko kay lady kaayo siya tan-awon. Grabehang kagwapa ug ka sexy ning bayhana but sa kadaghang suitors wa siyay gisugot.
Naibog kaayo ko sa akong amiga but wa ko nisulti sa nahitabo nako kay basin iya kong kataw-an.
Maayo kaha nga ako siyang sultihan? Di ba lain mosulod ko og relasyon nga babaye or same sex? Please tambagi ko.
MILAY
Milay,
Wa may dautan kon imo sab nga i-share ang imong tinud-anay nga pagkatawo karon.
Di sab na angay nga ikauwaw kon duna may kausaban sa imong sexual orientation kay di baya na nimo tinuyoan.
Hayan dunay changes sulod sa imong lawas hinungdan nga ing ana ka na karon.
But kon mosulod ka og same sex relationship tali sa imong amiga o si bisan kinsa, same ra gihapon na sa opposite sex.
Babaye lang ang imong karelasyon. But wa man ka mag-inusara kay naa man koy pipila nga na meet and they admitted nga homosexual sila.
Bisan wa sila nisulti nako, klaro man nga duna silay relasyon. Naa sab gani beauty queen nga homosexual. Sa akong gisulti dinhi, usa ra ang minyo while the rest are single.
Bisan tuod kon way dautan sa imong feeling, apan ang pagpaanod mo cause na og harm sa imong pamilya, labina sa imong bana ug mga anak. Kana maoy imong huna-hunaon og maayo.
NOY KULAS
rojval69@yahoo.com