Tambagi ko Noy Kulas: Laki, di diay bayot

Tambagi ko Noy Kulas: Laki, di diay bayot

Dear Noy Kulas,

Ako si Matmat, taga Cebu. Ang akong problema kay naalaan kong bayot sa akong pamilya, relatives ug friends.

I don’t know kon advantage ba ni o bati para nako. Sukad pa gud ko sa bata ko, hinhinon man ko. Kaning akong mga amiga nga nagtuo nga bayot ko magsige og sabaksabak nako o magsige og kiss kay gwapo baya ko. Anugon kuno ko nga nabayot kay ganahan silang magpaliwat. Bisan joke na pero nakahibawo ko nga tininuod ang ilaha kon lalaki pa ko.

Usa aning akong amiga close friend kaayo nako. Tungod sa among ka close, natural na kaayo niyang mo sleep tupad nako, mounlan sa akong arm. Kon naa mi sa iyang room mag panty ug mag bra ug usahay way upper. Kabuhion ko, Noy Kulas, kay gwapa ug lami kaayo og body.

Unya gawas ani nga problema, ang pinaka dako ang akong na feel niya, in love na ko sa iyaha. Unsay akong buhaton, sultihan kaha nako siya sa akong tinud-anay nga nature ug sa akong na-feel sa iyaha? Di kaha siya malain ug masuko? I need your advice. Thank you.

MATMAT

Mat,

Kon di ka morisgo pagsulti niya, unsaon man nimo sa pagkahibawo nga luyo sa inyong ka close, naa diay siyay feeling nimo but wa siya makasulti kay gatuo siyang bayot ka.

Ang imong unahon sa pagsulti ug imo siyang pasabton nga tanang mga tawo nagtuong bayot ka, apil na ang imong pamilya. Bisan unsaon nimo sa pag explain nga di ka bayot, way motuo ug maminaw tungod sa imong body language nga bayot kang tan-awon.

Unya isunod nimo dayon ang imong feeling ngadto niya. Imo siyang pasabton nga sa wa nimo damha, na in love ka sa iyaha. Just be prepared kon unsa may iyang tubag sa imong isulti. Dawata kay part man na sa relasiyon, kay dunay panahon sa kalipay, duna say kaaslom. Unya diay, mosugot siya nimo. Di ba mas nindot?

NOY KULAS

rojval69@yahoo.com

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph