Dear Noy Kulas,
Tagoa lang ko sa ngalan nga C. Lumad, taga Cebu. Unta imo kong matambagan para naay katin-awan akong huna huna.
Aduna koy nauyab nga mag 20 years old then ako 32 na. Actually taga laing lugar ni siya, somewhere sa Zamboanga. Okay ra man unta ang dagan sa among relationship. Nagkakita me once. Pero ang nakaparat kay permi makigbuwag kon naay madunggan nga estorya nga negative since lagyo lagi mi. And lately gusto niya pangayuon akong FB account which is dili ko mosugot kay invading privacy kaayo.
Ako siyang gi-ask if mosugot ba pud siya akong ma access iyahang FB account pero dili siya. Karon ingon siya kon dili nako mahatag goodbye na lang daw. Karon wa na siya ga chat. Ako giingnan nga e block ko kay di ko uyon sa iyang gusto pero wa niya buhata. Angay pa ba kong mopadayon ani or dili? Daghang salamat.
C. LUMAD
C. Lumad,
Daghan nang mga tawo nga nagkaproblema tungod sa grabeng kompyansa. Uyab pa gani gihatag na ang usa ka bahin sa pagkatawo nga importante karong panahuna, ang social media account. Dunay uban nga wa na nila nakuha og balik ang ilang account dihang nagbuwag na sila kay giilisan og password. Di pa ni igo, gihimoan pa og binuang ang account sa boyfriend/girlfriend labina adtong nasakitan sa panagbuwag ug gustong manimawos.
Unya siya gustong mahibawo sa imong password samtang siya di makahatag. Asa man ang fairness ana? Diha nimo makita ang iyang pagka selfish ug way salig nimo. Ang mutual trust sa managhigugmaay o bisan gani sa magtiayon importante kaayo aron magdugay ang relasyon. Kon wa kini, padung ni sa pagkaguba. Kon di siya makasalig nimo, you can’t expect nga mahitabo ni sa umaabot. Mamahimo ra ning problema nimo, labina kon layo ni siya nimo.While di imposible ang paglampos sa long distance relationship, gikinahanglan niini ang grabeng sakripisyo ug pasensya.
Kon ingon niana ang dagan sa iyang panghuna-huna, let go aron magmalinawon ang inyong tagsa ka huna-huna.
NOY KULAS
rojval69@yahoo.com