DEAR Noy Kulas,
Daghan ko og mga pangutana sa life kay para nako unfair. Akong gi-mean ang love. Tawga lang ko og Tonette, 25 years old, still single and failed a lot sa lovelife.
Wa koy suwerte sa lovelife nako bisan ingon sa akong mga friends nga naa nako ang tanan-intelligent, nice body, gwapa ug maayo ang career ug financial standing. Pero it seems naay lacking nako, kining love from a man nga serious diri nako.
Kapin na sa 10 ka mga lalake ang akong nauyab pero silang tanan puro ra namiya nako. Ambot kaha ngano. Seguro tungod tingali kay conservative ko when it comes sa relationship. Kiss ra na kutob ang akoa, no torrid kissing o grabeng touching. Nahadlok man ko nga basin asa mo end kon akong patuyangan ang lalake. Basin di ko kaagwanta sa temptation mao daghan ko og limit nga gi-set basta ingon ana na.
I don’t give so much time sa mga date kay busy ko sa akong work. Tingali laayan ang boys sa pagpinaabot ug pagsige og agad nako. Noy, di ba kaha ni ang reasons why all of my relationships failed? Bitaw, wa na koy gisugot sa mga nanguyab nako kay wa may direction. Noy, tambagi ko kon sakto ba ang akong gibuhat? Maminyo kaha ko?
TONETTE
Tonette,
Basin wa ka lang makatumong og lalake nga kahibawong mohuwat ug morespeto sa babaye, kon unsay gusto sa iyang girlfriend nga kinahanglan iyang sundon ug tumanon timaan sa dakong gugma. Mao kana ang tinud-anay nga nagmahal. Di kay itugyan sa babaye ang iyang kaugalingon, sa pagtuo nga mao kini ang makapahigugma sa mga lalake. Sayop ni nga pagtuo. Kon sakto pa unta ni, daghan unta sa mga relasyon sa manag-uyab ang nisangko sa kaminyuon or nag live in nga nisangko ngadto sa kaminyuo o kaminyuon nga nahimong forever.
Ang magpalambo sa gugma mao ang pagrespetahay, pagtahuray, paghatag og panahon sa usag usa, pag-ila ug pagdawat sa mga kahuyangan ug kakuwang. Mao ni ang makapalambo ug mopalawom sa relasyon.
Ayaw kabalaka tungod kay 25 anyos ka pa. Try pagsulod og relasyon, apan ayaw usba ang imong pagtuo ug prinsipyo sa sex. But kon gusto ka og relasyon nga molanat, invest usab og time, di kay pulos na lang sab career ang imong pagahuna-hunaon.
NOY KULAS
Alang sa imong problema, e-mail sa kulassuper@sunstar.com.ph ug rojval69@yahoo.com