Dear Noy Kulas,
Tawga lang ko sa alyas nga Jammin, 30 years old ug nagtrabaho sa usa ka private company.
Ang akong problema di maingon nga dako kay nindot pud ni. Sa akong work, akong naamiga ang secretary sa among head sa company. Edad niya 35 years old minyo but sayo nabiyuda. Gwapa ug sexy siya. Di mailhan nga 30s na siya kay batan-on pa og nawong. Wa sila kaanak sa iyang bana.
Wa ko magdahom nga sa among ka amiga, dunay mahitabo namo. Kasabot ko niya kay naa siyay sexual needs kay tawo ra siya. But gi-secret namo ang among relationship kay kuyaw ang akong kontra, ang among highest nga official sa company nga 55 years old na.
Nitug-an ang akong amiga nga more than a year na sila but di siya satisfied kay gawas nga secret ilaha, pirme siya makuwangan sa ilang sex. Di same nako nga mosukol hangtod siya mapul-an na lang.
Makalugar mi sagad weekends kay wa mi work. Gusto na ko magminyo ming duha but di siya mosugot kay nahadlok siya sa amoang boss. Sakto ba siya nga mahadlok? Ako siyang gisultihan nga mo resign ug mo transfer but dako dako ang mawala niyang suweldo ug allowances. Unsay imong ikatambag namo, Noy Kulas? Daghang salamat.
JAMMIN
Jam,
Kon gustuhon niya, wa nay problema ang pagpalayo. Di ra na sa kwarta, kon di ang iyang future nga seguradong maguba kon mabuko sila sa inyong boss. Maayo gani ka kay nakasabot ra ka unya imo pa siyang gustong pangasaw-on bisan kon ingon ana ang iyang estado sa kinabuhi karon. Gwapa ug sweet tingali kay imo mang maaguwanta nga ing ana ang iyang gibuhat karon. Unsa kahay guarantee kon magminyo mo nga di siya ma ing ana kon makakita siya og gilaw sa kwarta?
Pabalhina siya og work unya, ayaw na itago ang inyong relasyon kay puro mo gawasnon. Ulitawo ka while biyuda siya. Let the world know kay wa may babag sa inyong relasyon kay puro mo single karon. Kon mahimo, kamong duha ang mamalhin og trabahoan. Kon di siya, wa nay gugma nimo, kon di, sex ra ang iyang giapas nimo kay maayo kang modala og bugno sa kama.
Pangita og lain nga imong ma serious og relasyon kon di siya makombinser.
NOY KULAS
rojval69@yahoo.com