Dear Noy Kulas,
Tagoa lang ko sa ngan nga Lotlot, 40 years old na ko ug minyo. Naa mi duha ka anak sa akong bana nga dagko na sab but nag schooling pa.
Kining akong problema mao ang akong na discover sa akong bana nga nagtuo kong tarong pero yabag diay.
Ka usa, iyang gibiyaan ang iyang laptop kay nag CR mao to akong gitan-aw ang iyang emails kay nagduda ko.
Karon, naay usa ka babaye nga iyang classmate sa college nga duna silay correspondence duha since 2017 pa.
Uyab sila kay iya ning girlfriend sa college pa sila ug nagkabalik human sa ilang reunion. Ang babaye dunay condo ug adto sila mag-abot duha.
Naay ubang emails detailed kaayo ang ilang sexual encounters. Kalami diay modala sa akong bana pero diri sa akoa ambot, dugay rang 15 minutes.
Wa ko mopahibawo niya sa akong nahibaw-an kay kana gyung masakpan nako silang duha.
Unsa kahay akong buhaton, Noy? Ako ba ni silang mapapriso? Galagot na kaayo ko magtan-aw sa akong bana but gapugong ra ko.
LOTLOT
Lotlot,
Panid-i or mag hire ka og makapaniid. Kanang dunay makuhang mga ebidensya sama sa hulagway.
Unya papanid-i ang ilang routine, kon kanus-a sila mag-abot kay sagad naa gyud nay mga adlaw nga ilang naandan but di ka lang makabantay tingali.
Basin kanang magpasumangil siya nga madugay kay dunay lakaw ug uban pa.
Papanid-i asa sila kanunay mag-abot o mag-date, sama sa mga kan-anan ug uban pa. Sa sunod sab, ang ilang e-mails i-forward nimo sa imoha ug papasa lang ang imong gi-send sa imong email aron di siya masayod.
Pag careful lang aron di siya masayod. Kon di man gani, kuhai og pictures ang mga text sa ilang emails.
Kini nga mga digital nga ebidensya dawaton na sa korte. Timan-i daghang paagi sa pagpatay o pagkuniskunis sa iring.
NOY KULAS
rojval69@yahoo.com