GIHUGPAAN sa 900 ka mga Zumba fitness enthusiast ang Let’s Glow Dance Party nga gipahigayon sa Lapu-Lapu City Auditorium, Barangay Poblacion niadtong Pebrero 8, sa 6:00 sa gabii.
Gi-feature sa maong fitness program ang TV actor-dancer nga si Wowie De Guzman nga nakapadugang sa gana sa mga participant sa ilang gipakitang performance.
Gipasi-ugdahan ang maong dance party sa aktibo nga magtiayon sila si Marvin Conson, CEO sa Philiprint nga tiggama sa Smartieshirt ug Theresa Conson, founder sa ActiveHub Fitness Center / Active Woman apparel lakip na ang paningkamot ni Coach Dinah Pino, event organizer.
Ania ang listahan sa mga midaog sa Major awards; Chie Chan Lucernas, Myrna Villamor, Janet Comer ug Mitchelle Palaubsanon pulos nakadawat og 10 kilos nga bugas. Sa 5 kilos nga bugas alang sa minor awards naglakip nila ni; Fe Laña, Dercy Mae Manto Juesan, Gamila Glyn Vailoces ug kadtong labing bata nga participant.
Special awards winners: Top 3 sellers sa LET’S GLOW - Robjie Cogal, Keith Ferolino Maquiling ug Mario Quimada; Active Woman Dance Queen - Ramywil Villamor; Activewoman Dance King - Chie Chan Lucernas; Sports Fashionista - Janet Cromer; Star of the Night - Mitchelle Palaubsanon, Young At Heart - Fe Laña; Most Energetic -Dercy Mae Manto Jueza ug Best in Smile - Gamila Glyn Vailoces. (FVQ)