Kaluha natawo sud sa ambulansiya

NAKA-ANAK: Wa na mapugngi sa inahan nga mabdos sa dihang migawas na gyud sa iyang tago-angkan ang anak niyang kaluha nga pulos babaye samtang nagbiyahe pa ang rescue van paingon sa ospital.
NAKA-ANAK: Wa na mapugngi sa inahan nga mabdos sa dihang migawas na gyud sa iyang tago-angkan ang anak niyang kaluha nga pulos babaye samtang nagbiyahe pa ang rescue van paingon sa ospital. Videograb hinatag ni Kenneth Nacario, Argao MDRRMO

Nahimong instant mananabang ang usa ka responder sa Argao Municipal Disaster Risk Reduction Management Office (MDRRMO) nga si Arthur Parantar, taga Suba Poblacion, Lungsod sa Argao, Sugbo human siya nipaanak sa usa ka babaye sulod sa ambulansya.

Ang ilang pasyente nga si Martafe Bañados, 38, taga Brgy. Alambijud, bukirang bahin sa Argao, nanganak og kaluha nga babaye sud sa rescue van sa Argao MDRRMO sa pag-abag ni Parantar.

Ang laing responder nga si Kenneth Nacario nga luwan sa maong van maoy nibutyag niini sa Superbalita Cebu sa Martes, Enero 9, 2024.

Matod pa niya nga mga alas 6:30 sa buntag, Enero 9, 2024, ang pamilya’ng Bañados mi-request og rescue van pinaagi sa Command Center sa Argao nga maoy sakyan gikan sa Brgy. Alambijud pa­ingon sa Isidro C. Kintanar Memorial Hospital.

Sa dihang nakarga na ang pasyente ug nagbiyahe su­bay sa national road habig sa Barangay Binlod, wa na maka-agwanta si Bañados sa dihang mibusog ang iyang tiyan ug nagpusotpusot og gawas ang kaluha nga puya inabagan ni Parantar.

Pag-abot sa tambalanan giatiman gilayon ang maong inahan ug ang iyang managkaluha.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph